ਜੇਬੀ ਸੇਖੋਂ
ਗੜ੍ਹਸ਼ੰਕਰ 7 ਮਈ
ਸ਼ਿਵਾਲਕ ਪਹਾੜੀਆਂ ਨਜ਼ਦੀਕੀ ਪਿੰਡ ਬੀਰਮਪੁਰ ਵਿੱਚ ਅੱਗ ਲੱਗਣ ਨਾਲ ਜੰਗਲਾਤ ਵਿਭਾਗ ਦੇ ਅਨੇਕਾਂ ਦਰੱਖਤ ਸੜ ਗਏ ਹਨ। ਇਹ ਅੱਗ ਪਿੰਡ ਦੇ ਜੰਗਲ ਨੇੜੇ ਲੱਗੀ ਜਿਸ ਨੇ ਦੇਖਦੇ ਹੀ ਦੇਖਦੇ ਅਨੇਕਾਂ ਦਰੱਖਤਾਂ ਨੂੰ ਆਪਣੀ ਲਪੇਟ ਵਿਚ ਲੈ ਲਿਆ।
ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਨਹੀਂ ਚੱਲ ਸਕਿਆ ਪਰ ਪਿੰਡ ਦੇ ਵਸਨੀਕਾਂ ਵੱਲੋਂ ਅੱਗ ‘ਤੇ ਕਾਬੂ ਪਾਉਣ ਲਈ ਜੱਦੋ ਜਹਿਦ ਰੱਖੀ ਹੋਈ ਸੀ। ਦੱਸਣਯੋਗ ਹੈ ਕਿ ਕੁੱਝ ਦਿਨ ਪਹਿਲਾਂ ਵੀ ਬੀਰਮਪੁਰ ਦੇ ਜੰਗਲ ਵਿੱਚ ਲੱਗੀ ਅੱਗ ਨੇ ਭਿਆਨਕ ਤਬਾਹੀ ਮਚਾਈ ਸੀ।ਇਸ ਬਾਰੇ ਡੀਐੱਫਓ ਸਤਿੰਦਰ ਸਿੰਘ ਨਾਲ ਗੱਲ ਕਰਨ ’ਤੇ ਉਨ੍ਹਾਂ ਕਿਹਾ ਕਿ ਉਹ ਅੱਗ ‘ਤੇ ਕਾਬੂ ਪਾਉਣ ਲਈ ਵਿਭਾਗੀ ਕਰਮਚਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਹਨ। ਿਜ਼ਕਰਯੋਗ ਹੈ ਕਿ ਜੰਗਲ ਵਿੱਚ ਅੱਗ ਕਈ ਵਾਰ ਵਿਭਾਗ ਦੇ ਅਧਿਕਾਰੀਆਂ ਦੀ ਕਥਿਤ ਅਣਗਹਿਲੀ ਕਾਰਨ ਲੱਗਦੀ ਹੈ ਅਤੇ ਇਸ ਤਰ੍ਹਾਂ ਦਰੱਖਤ ਕੱਟੇ ਜਾਣ ਦੇ ਮਾਮਲੇ ਰਫ਼ਾ- ਦਫਾ ਹੋ ਜਾਂਦੇ ਹਨ।
