ਪੱਤਰ ਪ੍ਰੇਰਕ
ਫਗਵਾੜਾ, 30 ਮਾਰਚ
ਇੱਥੇ ਚੌਥਾ ਇਸਲਾਮੇ ਆਮ ਇਸਲਾਹੇ ਮੁਸ਼ਾਇਰਾ ਤੇ ਦਸਤਾਰ ਬੰਦੀ ਸਮਾਗਮ ਆਈਟੀਆਈ ਕਾਲਜ ਪਲਾਹੀ ਵਿੱਚ ਕਰਵਾਇਆ ਗਿਆ। ਇਸ ਮੌਕੇ ਮੁੱਖ ਮਹਿਮਾਨ ਵਜੋਂ ਸ਼ੇਖ-ਉਲ ਹਦੀਸ ਮੌਲਾਨਾ ਇਸਮਾਇਲ ਸਾਦਿਕ ਬਿਲਾਸਪੁਰੀ, ਮੌਲਾਨਾ ਉਸਮਾਨ ਰਹਿਮਾਨੀ ਲੁਧਿਆਣਾ ਸ਼ਾਹੀ ਇਮਾਮ ਪੰਜਾਬ ਪਹੁੰਚੇ। ਇਸ ਮੌਕੇ ਸ਼ਾਹੀ ਇਮਾਮ ਨੇ ਅਪੀਲ ਕੀਤੀ ਕਿ ਸਾਨੂੰ ਸਾਰਿਆਂ ਨੂੰ ਆਪਣੇ ਫ਼ਰਜ਼ ਪਹਿਚਾਨਣੇ ਚਾਹੀਦੇ ਹਨ ਤੇ ਬੁਰੇ ਕੰਮਾਂ ਤੋਂ ਦੂਰ ਰਹਿ ਕੇ ਇਨਸਾਨੀਅਤ ਪ੍ਰਤੀ ਆਪਣੀ ਸੇਵਾ ਨਿਭਾਉਣੀ ਚਾਹੀਦੀ ਹੈ। ਇਸ ਮੌਕੇ ਪਲਾਹੀ ਮਦਰਸਾ ਵਿਖੇ ਕੁਰਾਨ ਪਾਕ ਹਿਮਜ਼ ਕਰਨ ਵਾਲੇ ਤਿੰਨ ਬੱਚਿਆਂ ਦੀ ਦਸਤਾਰਬੰਦੀ ਵੀ ਕੀਤੀ ਗਈ। ਇਸ ਮੌਕੇ ਕਾਰੀ ਗੱਯੂਰ ਅਹਿਮਦ ਤੇ ਇੰਤਜ਼ਾਮੀਆਂ ਕਮੇਟੀ ਦਾਰੁਲ ਉਲੂਮ ਸ਼ੇਖ-ਉਲ-ਹਿੰਦ ਪਲਾਹੀ ਨੇ ਦੱਸਿਆ ਕਿ ਮਦਰਸੇ ਦੇ ਤਿੰਨ ਬੱਚਿਆਂ ਨੇ ਕੁਰਾਨ ਪਾਕ ਹਿਮਜ ਕੀਤੀ ਹੈ ਜੋ ਕਿ ਮਾਣ ਵਾਲੀ ਗੱਲ ਹੈ।
