ਪੱਤਰ ਪ੍ਰੇਰਕ
ਫਗਵਾੜਾ, 12 ਮਾਰਚ
ਇੱਥੋਂ ਦੇ ਨੰਗਲ ਚਾਚੋਕੀ ਵਿੱਚ ਇੱਕ ਫੈਕਟਰੀ ’ਚ ਹੋਈ ਚੋਰੀ ਦੇ ਮਾਮਲੇ ’ਚ ਸਿਟੀ ਪੁਲੀਸ ਨੇ ਇੱਕ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰਕੇ ਉਸ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਇੰਡਸਟਰੀਅਲ ਏਰੀਆ ਚੌਕੀ ਇੰਚਾਰਜ ਜਸਬੀਰ ਸਿੰਘ ਨੇ ਦੱਸਿਆ ਕਿ ਸ਼ਿਕਾਇਤਕਰਤਾ ਕੁਲਵਿੰਦਰ ਸਿੰਘ ਦੇ ਰਿਸ਼ਤੇਦਾਰਾਂ ਦਾ ਕਾਰਖਾਨਾ ਚੱਢਾ ਇੰਟਰਨੈਸ਼ਨਲ ਨੰਗਲ ਰੋਡ ਚਾਚੋਕੀ ’ਚ ਹੈ ਤੇ ਉਹ ਵੀ ਉੱਥੇ ਕੰਮ ਕਰਦਾ ਹੈ। ਬੀਤੀ 11 ਮਾਰਚ ਨੂੰ ਜਦੋਂ ਉਹ ਕਾਰਖਾਨੇ ਆਇਆ ਤਾਂ ਦੇਖਿਆ ਕਿ ਸਾਮਾਨ ਖਿਲਰਿਆ ਹੋਇਆ ਸੀ ਤੇ ਚੈੱਕ ਕਰਨ ’ਤੇ ਪਤਾ ਲੱਗਾ ਕਿ ਦੋ ਮੋਟਰਾਂ, ਇੱਕ ਕੰਪਰੈਸ਼ਰ ਦੀ ਮੋਟਰ, ਬਾਥਰੂਮ ਦੀਆਂ ਟੂਟੀਆਂ, 4 ਸੀਵਰੇਜ ਦੇ ਢੱਕਣ, ਵੈਲਡਿੰਗ ਸੈੱਟ ’ਚ ਲੱਗੀ ਮੋਟਰ ਤੇ ਪੱਖਾ, ਬਿਜਲੀ ਫ਼ਿਟਿੰਗ ਦੀਆਂ ਤਾਰਾਂ ਤੇ ਹੋਰ ਸਾਮਾਨ ਚੋਰੀ ਸੀ। ਉਸ ਵੱਲੋਂ ਪੁਲੀਸ ਨੂੰ ਦਿੱਤੀ ਗਈ ਜਿਸ ’ਤੇ ਪੁਲੀਸ ਨੇ ਰਹੀਮ ਸੁਦਾਮਾ ਨੂੰ ਕਾਬੂ ਕਰ ਕੇ ਉਸ ਪਾਸੋਂ ਮੋਟਰ ਬਰਾਮਦ ਕੀਤੀਆਂ ਹਨ ਜਦਕਿ ਉਸ ਦਾ ਸਾਥੀ ਫ਼ਰਾਰ ਹੈ।
