ਨਿੱਜੀ ਪੱਤਰ ਪ੍ਰੇਰਕ
ਬਲਾਚੌਰ, 15 ਜੁਲਾਈ
ਕੁੱਲ ਹਿੰਦ ਕਿਸਾਨ ਸਭਾ ਦੀ ਸੂਬਾਈ ਕਾਨਫਰੰਸ ਦੀ ਤਿਆਰੀ ਸਬੰਧੀ ਤਹਿਸੀਲ ਕਿਸਾਨ ਸਭਾ ਬਲਾਚੌਰ ਵੱਲੋਂ ਬੱਬਰ ਰਤਨ ਸਿੰਘ ਰੱਕੜ ਦੀ ਸ਼ਹੀਦੀ ਨੂੰ ਜਥੇਬੰਦਕ ਕਾਨਫਰੰਸ ਕਾਮਰੇਡ ਨਿਰਮਲ ਸਿੰਘ ਘੁੰਮਣ ਯਾਦਗਾਰੀ ਨਗਰ ਅਤੇ ਕਾਮਰੇਡ ਬਲਵੀਰ ਸਿੰਘ ਕੌਲਗੜ੍ਹ ਯਾਦਗਾਰੀ ਹਾਲ ਵਿੱਚ ਹੋਈ। ਕਾਨਫਰੰਸ ਦੀ ਪ੍ਰਧਾਨਗੀ ਕਾਮਰੇਡ ਭੁਪਿੰਦਰ ਸਿੰਘ ਕੌਲਗੜ੍ਹ ਨੇ ਕੀਤੀ। ਉਦਘਾਟਨ ਕੁੱਲ ਹਿੰਦ ਕਿਸਾਨ ਸਭਾ ਦੇ ਸੂਬਾਈ ਮੀਤ ਪ੍ਰਧਾਨ ਕਾਮਰੇਡ ਬਲਵੀਰ ਸਿੰਘ ਜਾਡਲਾ ਨੇ ਕੀਤਾ, ਜਦੋਂ ਕਿ ਕਾਮਰੇਡ ਮਹਾਂ ਸਿੰਘ ਰੌੜੀ, ਪ੍ਰੇਮ ਰੱਕੜ ਅਤੇ ਅੱਛਰ ਸਿੰਘ ਆਦਿ ਨੇ ਕਿਸਾਨ ਸਭਾ ਵੱਲੋਂ ਕੀਤੇ ਸੰਘਰਸ਼ ਬਾਰੇ ਜਾਣਕਾਰੀ ਦਿੱਤੀ। ਇਸ ਮੌਕੇ ਕਾਮਰੇਡ ਬਲਵੀਰ ਸਿੰਘ ਜਾਡਲਾ ਨੇ ਨਵੀਂ ਟੀਮ ਦਾ ਪੈਨਲ ਪੇਸ਼ ਕੀਤਾ, ਜਿਸ ਵਿੱਚ ਕਾਮਰੇਡ ਹੁਸਨ ਚੰਦ ਮਝੋਟ ਨੂੰ ਪ੍ਰਧਾਨ, ਕਾਮਰੇਡ ਭੁਪਿੰਦਰ ਸਿੰਘ ਕੌਲਗੜ੍ਹ ਨੂੰ ਜਨਰਲ ਸਕੱਤਰ, ਸੁਮਿੰਦਰ ਸਿੰਘ ਨੂੰ ਖਜ਼ਾਨਚੀ, ਬੀਰੂ ਰਾਮ, ਅਮਰੀਕ ਸਿੰਘ ਜੈਨਪੁਰ ਅਤੇ ਜੋਗਾ ਸਿੰਘ ਦਿਆਲਾਂ ਨੂੰ ਉੱਪ ਪ੍ਰਧਾਨ, ਰਾਣਾ ਰਣਜੀਤ ਸਿੰਘ ਅਤੇ ਭਗਤ ਸਿੰਘ ਕੌਲਗੜ੍ਹ ਨੂੰ ਸਕੱਤਰ ਚੁਣਿਆ ਗਿਆ। ਬਲਵੀਰ ਸਿੰਘ ਰੱਕੜ, ਕੁਲਦੀਪ ਸਿੰਘ ਕੌਲਗੜ੍ਹ, ਸਾਧੂ ਸਿੰਘ ਜੱਟਪੁਰ ਤੇ ਜੋਗਿੰਦਰ ਸਿੰਘ ਕੌਲਗੜ੍ਹ ਕਾਰਜਕਾਰਨੀ ਮੈਂਬਰ ਚੁਣੇ ਗਏ।
