ਪੱਤਰ ਪ੍ਰੇਰਕ
ਫਗਵਾੜਾ, 4 ਜੁਲਾਈ
ਇਥੋਂ ਦੇ ਮੁਹੱਲਾ ਭਗਤਪੁਰਾ ਦੀ ਗਲੀ ਨੰਬਰ ਵਿੱਚ ਕਈ ਦਿਨਾਂ ਤੋਂ ਸੀਵਰੇਜ ਜਾਮ ਦੀ ਸਮੱਸਿਆ ਸਬੰਧੀ ਅੱਜ ਨਗਰ ਨਿਗਮ ਦੇ ਐਕਸੀਅਨ ਬਲਜਿੰਦਰ ਸਿੰਘ ਵਲੋਂ ਜਾਰੀ ਹੁਕਮਾ ਤੋਂ ਬਾਅਦ ਨਗਰ ਨਿਗਮ ਦੀ ਟੀਮ ਮੌਕੇ ਦਾ ਦੌਰਾ ਕਰਨ ਪੁੱਜੀ। ਟੀਮ ’ਚ ਸ਼ਾਮਲ ਜੇ.ਏ. ਰਾਜੇਸ਼ ਪੱਬੀ ਨੇ ਮੌਕਾ ਦੇਖਿਆ ਤੇ ਲੋਕਾਂ ਨਾਲ ਇਸ ਸਮੱਸਿਆ ਸਬੰਧੀ ਗੱਲਬਾਤ ਕੀਤੀ। ਮੁਹੱਲਾ ਵਾਸੀਆਂ ਗੁਰਦਿਆਲ ਸਿੰਘ, ਡਾ. ਰਮਨ, ਬਹਾਦਰ ਸਿੰਘ, ਸਰਬਜੀਤ ਕੌਰ, ਮੀਨਾ ਰਾਣੀ, ਸੁਨੀਤਾ, ਡੋਗਰ ਰਾਮ, ਵਸਿਸ਼ਟ ਤਿਵਾੜੀ ਨੇ ਦੱਸਿਆ ਕਿ ਇਹ ਗੰਦਾ ਪਾਣੀ ਪਿਛਲੇ ਕਈ ਦਿਨਾਂ ਤੋਂ ਉਨ੍ਹਾਂ ਦੀ ਗਲੀ ਵਿੱਚ ਖੜ੍ਹਾ ਹੈ, ਜਿਸ ਕਾਰਨ ਮੱਛਰ ਵੀ ਪੈਂਦਾ ਹੋ ਰਿਹਾ ਹੈ ਤੇ ਬਿਮਾਰੀ ਫ਼ੈਲਣ ਦਾ ਖ਼ਤਰਾ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਉਨ੍ਹਾਂ ਦੀ ਗਲੀ ਦੇ ਸੀਵਰੇਜਾਂ ਦੀ ਸਫ਼ਾਈ ਮਸ਼ੀਨ ਨਾਲ ਕਰਵਾ ਕੇ ਇਸ ਬੰਦ ਨੂੰ ਖੋਲ੍ਹਿਆ ਜਾਵੇ। ਜੇਸੀਏ ਭਰੋਸਾ ਦਿੱਤਾ ਕਿ ਉਨ੍ਹਾਂ ਦੀ ਸਮੱਸਿਆ ਦਾ ਜਲਦੀ ਹੀ ਹੱਲ ਕੀਤਾ ਜਾਵੇਗਾ।
