ਕੇਂਦਰ ਦੇ ਪੇਅ ਸਕੇਲ ਜਲਦੀ ਲਾਗੂ ਕਰਨ ਦੀ ਮੰਗ

ਦਲਬੀਰ ਸੱਖੋਵਾਲੀਆ 

ਬਟਾਲਾ, 19 ਜੁਲਾਈ

ਇੱਥੇ ਸਕੂਲ ਲਾਇਬ੍ਰੇਰੀਅਨ ਯੂਨੀਅਨ ਦੇ ਸੂਬਾ ਪ੍ਰਧਾਨ ਗੁਰਨਾਮ ਸਿੰਘ ਦੀ ਪ੍ਰਧਾਨਗੀ ਹੇਠ ਇੱਥੇ ਅਹੁਦੇਦਾਰਾਂ ਨਾਲ ਮੀਟਿੰਗ ਹੋਈ। ਇਸ ਮੌਕੇ ਆਗੂਆਂ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਕੇਂਦਰ ਦਾ ਪੇਅ ਸਕੇਲ  ਜਲਦੀ ਲਾਗੂ ਕਰਕੇ ਉਨ੍ਹਾਂ ਦਾ ਹੱਕ ਦਿੱਤਾ ਜਾਵੇ। ਜ਼ਿਲ੍ਹਾ ਪ੍ਰਧਾਨ ਰੂਪ ਸਿੰਘ ਨੇ ਦੱਸਿਆ ਕਿ 2011 ਵਿੱਚ ਸੂਬਾ ਸਰਕਾਰ ਨੇ ਕਰਮਚਾਰੀਆਂ ਦੇ ਪੇਅ ਸਕੇਲ ਨੂੰ ਬੇਤਰਤੀਬੀ ਢੰਗ ਨਾਲ ਲਾਗੂ ਕੀਤਾ ਸੀ, ਇਸੇ ਕਰਕੇ  ਸਕੂਲ ਲਾਇਬ੍ਰੇਰੀਅਨ ਦੇ ਪੇਅ ਸਕੇਲ ਵਿੱਚ ਕੋਈ ਵਾਧਾ ਨਹੀਂ ਕੀਤਾ ਸੀ। ਉਨ੍ਹਾਂ ਦੱਸਿਆ ਕਿ ਕੁਝ ਕੈਟਾਗਿਰੀਆਂ ਦੇ ਪੇਅ ਸਕੇਲ ਤਾਂ ਆਂਧਰਾ ਪ੍ਰਦੇਸ਼, ਗੁਜਰਾਤ , ਮਹਾਂਰਾਸ਼ਟਰ ਨਾਲੋਂ ਵੀ ਦੁਗਣੇ ਕਰ ਦਿੱਤੇ ਸਨ  ਪਰ ਹੁਣ ਪੰਜਾਬ ਸਰਕਾਰ ਨੇ ਕੇਂਦਰ ਦੇ ਸਕੇਲ ਵਿੱਚ ਇਕਸਾਰਤਾ ਲਿਆਂਦੀ ਹੈ, ਜੋ ਸ਼ਲਾਘਾਯੋਗ ਕਦਮ ਹੈ।  ਇਸ ਮੌਕੇ ਉਪ ਪ੍ਰਧਾਨ ਸੁਨੀਲ ਕੁਮਾਰ, ਜਨਰਲ ਸਕੱਤਰ ਦਵਿੰਦਰ ਸਿੰਘ, ਹੰਸਾ ਸਿੰਘ, ਜਸਪਾਲ ਸਿੰਘ, ਪ੍ਰਤਾਪ ਸਿੰਘ ਸਮੇਤ ਹੋਰ ਹਾਜ਼ਰ ਸਨ।