ਗੁਰਦੇਵ ਸਿੰਘ ਗਹੂੰਣ
ਬਲਾਚੌਰ, 7 ਦਸੰਬਰ
ਸਰਕਾਰੀ ਹਾਈ ਸਕੂਲ ਗਹੂੰਣ ਦੇ ਮੁੱਖ ਅਧਿਆਪਕ ਹਰਵਿੰਦਰ ਪਾਲ ਸਿੰਘ ਦੀ ਅਗਵਾਈ ਹੇਠ ਸਕੂਲ ਵਿੱਚ ਬਣ ਰਹੇ ਐਜੂਕੇਸ਼ਨਲ ਪਾਰਕ ਅਤੇ ਚੱਲ ਰਹੇ ਵਿਕਾਸ ਕਾਰਜਾਂ ਲਈ ਸਮੂਹ ਸਟਾਫ਼ ਨੇ 70,000 ਰੁਪਏ ਦਾ ਯੋਗਦਾਨ ਪਾਇਆ ਗਿਆ ਹੈ।
ਦਾਨ ਰਾਸ਼ੀ ਦਾ ਯੋਗਦਾਨ ਪਾਉਣ ਵਾਲਿਆਂ ਵਿੱਚ ਮੁੱਖ ਅਧਿਆਪਕ ਹਰਵਿੰਦਰ ਪਾਲ ਸਿੰਘ, ਕੇਵਲ ਰਾਮ, ਹਰਬਿੰਦਰ ਸਿੰਘ, ਅਸ਼ਵਨੀ ਕੁਮਾਰ ਬਾਗੜੀ, ਅਮਿਤ ਕੁਮਾਰ, ਝਲਮਣ ਰਾਮ, ਗੁਰਤੇਜ ਸਿੰਘ, ਪਰਮਜੀਤ ਕੌਰ, ਮਮਤਾ ਰਾਣੀ ਅਤੇ ਰਵਨੀਤ ਕੌਰ ਆਦਿ ਅਧਿਆਪਕ ਸ਼ਾਮਲ ਹਨ।
ਇਸ ਮੌਕੇ ਇਕੱਤਰ ਕੀਤੀ ਦਾਨ ਰਾਸ਼ੀ ਮੁੱਖ ਅਧਿਆਪਕ ਹਰਵਿੰਦਰ ਪਾਲ ਸਿੰਘ ਨੇ ਸਕੂਲ ਮੈਨੇਜਿੰਗ ਕਮੇਟੀ ਦੇ ਚੇਅਰਮੈਨ ਗੁਰਦੇਵ ਸਿੰਘ ਨੂੰ ਸੌਂਪੀ। ਉਨ੍ਹਾਂ ਸਕੂਲ ਦੇ ਵਿਕਾਸ ਕਾਰਜਾਂ ਹਿਤ ਦਾਨ ਰਾਸ਼ੀ ਦੇਣ ‘ਤੇ ਮੁੱਖ ਅਧਿਆਪਕ ਹਰਵਿੰਦਰ ਪਾਲ ਸਿੰਘ ਅਤੇ ਸਮੂਹ ਸਟਾਫ ਦਾ ਧੰਨਵਾਦ ਕੀਤਾ।
