ਹਰਪ੍ਰੀਤ ਕੌਰ
ਹੁਸ਼ਿਆਰਪੁਰ, 23 ਸਤੰਬਰ
ਪੁਲੀਸ ਨੇ ਦੋ ਵੱਖ-ਵੱਖ ਥਾਵਾਂ ਤੋਂ ਚਾਰ ਵਿਅਕਤੀਆਂ ਨੂੰ ਨਸ਼ੀਲੇ ਪਦਾਰਥਾਂ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਸਦਰ ਪੁਲੀਸ ਨੇ ਬਸੀ ਗੁਲਾਮ ਹੁਸੈਨ ਵਿਖੇ ਇੱਕ ਐਕਟਿਵਾ ਸਕੂਟਰ (ਪੀ.ਬੀ-07-ਬੀ.ਕੇ-5332) ਨੂੰ ਰੋਕ ਕੇ ਜਦੋਂ ਤਲਾਸ਼ੀ ਲਈ ਤਾਂ ਉਨ੍ਹਾਂ ਕੋਲੋਂ 55 ਗ੍ਰਾਮ ਨਸ਼ੀਲਾ ਪਦਾਰਥ ਬਰਾਮਦ ਹੋਇਆ। ਇਨ੍ਹਾਂ ਦੀ ਪਛਾਣ ਜਸਕਰਨ ਉਰਫ਼ ਹੈਪੀ ਵਾਸੀ ਆਦਮਵਾਲ ਅਤੇ ਸੁਰਿੰਦਰਪਾਲ ਉਰਫ਼ ਕਾਲੂ ਥੱਥਲਾਂ ਵਜੋਂ ਹੋਈ ਹੈ। ਪੁਲੀਸ ਨੇ ਫ਼ੋਕਲ ਪੁਆਇੰਟ ਤੋਂ ਇੱਕ ਐਕਟਿਵਾ ’ਤੇ ਸਵਾਰ ਦੋ ਨੌਜਵਾਨਾਂ ਦੀ ਤਲਾਸ਼ੀ ਲਈ ਤਾਂ ਉਨ੍ਹਾਂ ਕੋਲੋਂ 51 ਗ੍ਰਾਮ ਨਸ਼ੀਲਾ ਪਾਊਡਰ ਬਰਾਮਦ ਹੋਇਆ। ਇਨ੍ਹਾਂ ਦੀ ਪਛਾਣ ਵਿੱਕੀ ਕੁਮਾਰ ਪੁਰਹੀਰਾਂ ਅਤੇ ਯਸ਼ੋਦਾਨੰਦਨ ਰਾਓ ਵਾਸੀ ਦੀਪ ਨਗਰ ਵਜੋਂ ਹੋਈ। ਸਾਰਿਆਂ ਖਿਲਾਫ਼ ਐੱਨ.ਡੀ.ਪੀ.ਐੱਸ ਐਕਟ ਤਹਿਤ ਕੇਸ ਦਰਜ ਕੀਤਾ ਹੈ
