ਬਲਾਚੌਰ: ਜ਼ੋਨ ਨੰਬਰ-9 ਕਾਠਗੜ੍ਹ ਦੇ ਜ਼ੋਨਲ ਟੂਰਨਾਮੈਂਟ ’ਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਗਹੂੰਣ ਦੀਆਂ ਟੀਮਾਂ ਦੀ ਜ਼ੋਨ ਵਿੱਚ ਝੰਡੀ ਰਹੀ। ਇਸ ਸਬੰਧੀ ਸਕੂਲ ਦੇ ਪ੍ਰਿੰਸੀਪਲ ਹਰਵਿੰਦਰ ਪਾਲ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਸਕੂਲ ਦੀਆਂ ਲੜਕਿਆਂ ਅਤੇ ਲੜਕੀਆਂ ਦੀਆਂ ਖੋ-ਖੋ ਦੀਆਂ ਟੀਮਾਂ ਅੰਡਰ 17 ਅਤੇ ਅੰਡਰ 14 ਉਮਰ ਵਰਗਾਂ ਵਿੱਚ ਜ਼ੋਨ ਵਿੱਚ ਪਹਿਲੇ ਸਥਾਨ ’ਤੇ ਰਹੀਆਂ। ਸਕੂਲ ਦੀਆਂ ਅੰਡਰ 17 ਅਤੇ ਅੰਡਰ 14 ਉਮਰ ਵਰਗ ਵਿੱਚ ਲੜਕਿਆਂ ਦੀਆਂ ਟੀਮਾਂ ਕਬੱਡੀ (ਨੈਸ਼ਨਲ) ਵਿੱਚ ਵੀ ਜ਼ੋਨ ਵਿੱਚ ਪਹਿਲੇ ਸਥਾਨ ’ਤੇ ਰਹੀਆਂ। ਅਥਲੈਟਿਕਸ (ਲੜਕੀਆਂ) ਦੇ ਅੰਡਰ 14 ਦੀ 100 ਮੀਟਰ ਅਤੇ 400 ਮੀਟਰ ਦੌੜ ਅਤੇ ਲੰਬੀ ਛਾਲ ਵਿੱਚ ਨਿਸ਼ੂ ਕੁਮਾਰੀ ਨੇ ਪਹਿਲਾ, ਲੜਕੀਆਂ ਦੇ ਅੰਡਰ 17 ਦੀ 100 ਮੀਟਰ ਦੌੜ ਵਿੱਚ ਨਵਨੀਤ ਕੌਰ ਨੇ ਪਹਿਲਾ ਅਤੇ ਮੁਸਕਾਨ ਨੇ ਦੂਜਾ, 200 ਮੀਟਰ ਦੌੜ ਵਿੱਚ ਮਾਹੀ ਨੇ ਪਹਿਲਾ ਅਤੇ ਮੁਸਕਾਨ ਨੇ ਦੂਜਾ ਸਥਾਨ ਸਥਾਨ ਹਾਸਲ ਕੀਤਾ। ਇਸ ਮੌਕੇ ਗੁਰਤੇਜ ਸਿੰਘ, ਹਰਬਿੰਦਰ ਸਿੰਘ, ਕੇਵਲ ਰਾਮ, ਅਸ਼ਵਨੀ ਕੁਮਾਰ ਬਾਗੜੀ, ਅਮਿਤ ਕੁਮਾਰ, ਝਲਮਣ ਰਾਮ, ਲਵਪ੍ਰੀਤ ਸਿੰਘ. ਰਵਨੀਤ ਕੌਰ ਅਤੇ ਰੁਪਿੰਦਰ ਕੌਰ ਆਦਿ ਹਾਜ਼ਰ ਸਨ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
