ਮੁਕੇਰੀਆਂ:
ਇੱਥੋਂ ਦੇ ਕੈਂਬਰਿਜ ਓਵਰਸੀਜ਼ ਸਕੂਲ ਦੀ ਵਿਦਿਆਰਥਣ ਕਾਇਰਾ ਨੇ ਨੈਸ਼ਨਲ ਓਲੰਪੀਆਡ ਫਾਊਂਡੇਸ਼ਨ (ਐੱਨਓਐੱਫ) ਵੱਲੋਂ ਕਰਵਾਏ ਗਏ ਜੂਨੀਅਰ ਪ੍ਰੀ-ਕੇ ਮੁਕਾਬਲੇ ਵਿੱਚ ਸੋਨ ਤਗ਼ਮਾ ਜਿੱਤਿਆ ਹੈ। ਸਕੂਲ ਪ੍ਰਬੰਧਕਾਂ ਵਲੋਂ ਵਿਦਿਆਰਥਣ ਨੂੰ ਸਾਦੇ ਸਮਾਗਮ ਦੌਰਾਨ ਸਨਮਾਨਿਤ ਕੀਤਾ ਗਿਆ। ਪ੍ਰਿੰਸੀਪਲ ਮੋਨਿਕਾ ਠਾਕੁਰ ਨੇ ਦੱਸਿਆ ਕਿ ਸਕੂਲ ਵਿਦਿਆਰਥਣ ਕਾਇਰਾ ਖੁੱਲਰ ਨੇ ਨੈਸ਼ਨਲ ਓਲੰਪੀਆਡ ਫਾਊਂਡੇਸ਼ਨ ਵਲੋਂ ਕਰਵਾਏ ਮੁਕਾਬਲਿਆਂ ਦੌਰਾਨ ਸੋਨ ਤਮਗਾ ਜਿੱਤਿਆ ਹੈ। ਉਸ ਨੂੰ 4 ਤਗ਼ਮੇ, 6 ਸਰਟੀਫਿਕੇਟ, 2 ਬੈਜ਼ (ਪਹਿਲਾ, ਦੂਜਾ ਤੇ ਫਾਈਨਲ ਰਾਉਂਡ) ਅਤੇ ਫ੍ਰੀ ਵਾਊਚਰ (ਫਾਈਨਲ ਰਾਊਂਡ) ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਵਿਦਿਆਰਥਣ ਦੀ ਇਸ ਪ੍ਰਾਪਤੀ ’ਤੇ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਸਚਿਨ ਸਮਿਆਲ ਅਤੇ ਚੇਅਰਪਰਸਨ ਸ਼ਿਖਾ ਸਮਿਆਲ ਨੇ ਵਿਦਿਆਰਥਣ ਅਤੇ ਉਸ ਦੇ ਮਾਪਿਆਂ ਨੂੰ ਵਧਾਈ ਦਿੱਤੀ। -ਪੱਤਰ ਪ੍ਰੇਰਕ
