ਪੱਤਰ ਪ੍ਰੇਰਕ
ਆਦਮਪੁਰ ਦੋਆਬਾ (ਜਲੰਧਰ), 25 ਅਕਤੂਬਰ
ਮੰਦਰ ਨੇੜੇ ਦੀਵਾਲੀ ਮਨਾਉਣ ਨੂੰ ਲੈ ਕੇ ਹੋਏ ਦੋ ਧਿਰਾਂ ਦੇ ਵਿਵਾਦ ਤੋਂ ਬਾਅਦ ਇੱਕ ਧੜੇ ਵੱਲੋਂ ਗੋਲੀਆਂ ਚਲਾਉਣ ਕਾਰਨ ਇਲਾਕੇ ਵਿੱਚ ਤਨਾਅ ਵਾਲੀ ਸਥਿਤੀ ਬਣ ਗਈ। ਜਲੰਧਰ ਦੇ ਕਿਲਾ ਮੁਹੱਲਾ ਦੇ ਸੁਭਾਸ਼ ਮਹਾਜਨ ਤੇ ਸ਼ਿਵਮ ਤੋਤਾ ਵਿਚਕਾਰ ਦੀਵਾਲੀ ਮਨਾਉਣ ਨੂੰ ਲੈ ਕੇ ਵਿਵਾਦ ਸ਼ੁਰੂ ਹੋ ਗਿਆ ਤੇ ਗੱਲ ਗੋਲੀਆਂ ਚਲਾਉਣ ਤੱਕ ਪਹੁੰਚ ਗਈ। ਦੋਵਾਂ ਧਿਰਾਂ ਦੇ ਸਾਥੀਆਂ ਨੇ ਮੰਦਰ ਤੋਂ ਬਾਹਰ ਆ ਕੇ ਇੱਕ ਦੂਜੇ ’ਤੇ ਹਮਲਾ ਕਰ ਦਿੱਤਾ। ਸੁਭਾਸ਼ ਮਹਾਜਨ ਦੇ ਸਾਥੀਆਂ ਨੇ ਸ਼ਿਵਮ ਤੋਤਾ ’ਤੇ ਇੱਟਾਂ ਤੇ ਤਲਵਾਰਾਂ ਵਰਸਾਈਆਂ। ਸ਼ਿਵਮ ਤੋਤਾ ਤੇ ਉਸ ਦੇ ਸਾਥੀਆਂ ਨੇ ਗੋਲੀਆਂ ਵੀ ਚਲਾਈਆਂ। ਜਿਸ ਕਾਰਨ ਸੁਭਾਸ਼ ਮਹਾਜਨ ਜ਼ਖ਼ਮੀ ਹੋ ਗਿਆ। ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ।
