ਨਿੱਜੀ ਪੱਤਰ ਪ੍ਰੇਰਕ
ਬਲਾਚੌਰ, 19 ਅਗਸਤ
ਚੌਧਰੀ ਦਰਸ਼ਨ ਲਾਲ ਮੰਗੂਪੁਰ ਵਿਧਾਇਕ ਬਲਾਚੌਰ ਨੇ ਪਾਰਟੀ ਦੇ ਮੁਹਤਬਰਾਂ ਦੀ ਹਾਜ਼ਰੀ ਵਿੱਚ ਆਪਣੇ ਬਲਾਚੌਰ ਸਥਿਤ ਦਫ਼ਤਰ ਵਿੱਚ ਸ਼ੂਗਰ ਮਿੱਲ ਨਵਾਂਸ਼ਹਿਰ ਦੇ ਡਾਇਰੈਕਟਰਾਂ ਦੀ ਚੋਣ ਲਈ ਕਾਂਗਰਸ ਪਾਰਟੀ ਵਲੋਂ ਬਲਾਚੌਰ ਜ਼ੋਨ ਤੋਂ ਸਰਪੰਚ ਤਰਸੇਮ ਸਿੰਘ ਮਹਿਤਪੁਰ ਨੂੰ ਉਮੀਦਵਾਰ ਐਲਾਨਿਆ। ਇਸ ਮੌਕੇ ਚੌਧਰੀ ਦਰਸ਼ਨ ਲਾਲ ਮੰਗੂਪੁਰ ਨੇ ਦਾਅਵਾ ਕੀਤਾ ਕਿ ਸ਼ੂਗਰ ਮਿੱਲ ਦੇ ਡਾਇਰੈਕਟਰਾਂ ਦੀ ਇਸ ਚੋਣ ਵਿੱਚ ਵੀ ਕਾਂਗਰਸ ਪਾਰਟੀ ਜੇਤੂ ਬਣ ਕੇ ਨਿੱਕਲੇਗੀ। ਇਸ ਮੌਕੇ ਮੌਜੂਦ ਬਲਾਚੌਰ ਜੋਨ ਤੋਂ ਉਮੀਦਵਾਰ ਤਰਸੇਮ ਸਿੰਘ ਸਰਪੰਚ ਮਹਿਤਪੁਰ ਨਾਲ ਚੇਅਰਮੈਨ ਹਰਜੀਤ ਸਿੰਘ ਜਾਡਲੀ, ਤਰਸੇਮ ਲਾਲ ਚੰਦਿਆਣੀ, ਚੇਅਰਮੈਨ ਧਰਮਪਾਲ ਭਰਥਲਾ ਨੇ ਯਕੀਨ ਦੁਆਇਆ ਕਿ ਉਹ ਸਖ਼ਤ ਮਿਹਨਤ ਨਾਲ ਇਹ ਚੋਣ ਜਿੱਤਣਗੇ।
