ਫਗਵਾੜਾ: ‘ਖੇਡਾਂ ਵਤਨ ਪੰਜਾਬ ਦੀਆਂ 2022’ ਅਧੀਨ ਜਿਨ੍ਹਾਂ ਖੇਡਾਂ ਦੇ ਜ਼ਿਲ੍ਹਾ ਪੱਧਰੀ ਟੂਰਨਾਮੈਂਟ ਨਹੀਂ ਕਰਵਾਏ ਗਏ ਜਾਂ ਜਿਨ੍ਹਾਂ ਖੇਡਾਂ ਦੀ ਸਿੱਧੀ ਐਂਟਰੀ ਰਾਜ ਪੱਧਰ ਖੇਡਾਂ ਲਈ ਕਰਵਾਈ ਗਈ ਸੀ। ਉਨ੍ਹਾਂ ਖੇਡਾਂ ਦੇ ਖਿਡਾਰੀਆਂ ਨੂੰ ਰਾਜ ਪੱਧਰੀ ਖੇਡਾਂ ’ਚ ਭਾਗ ਲੈਣ ਲਈ ਟਰਾਇਲ 6 ਅਕਤੂਬਰ ਤੋਂ 8 ਅਕਤੂਬਰ ਤੱਕ ਲਏ ਜਾ ਰਹੇ ਹਨ। ਇਸ ਸਬੰਧੀ ਜ਼ਿਲ੍ਹਾ ਖੇਡ ਅਫ਼ਸਰ ਪ੍ਰਦੀਪ ਕੁਮਾਰ ਨੇ ਦੱਸਿਆ ਕਿ ਕਬੱਡੀ, ਜੂਡੋ ਦੇ ਟਰਾਇਲ ਗੁਰੂ ਨਾਨਕ ਸਟੇਡੀਅਮ ਕਪੂਰਥਲਾ, ਲਾਅਨ ਟੈਨਿਸ ਦੇ ਟਰਾਇਲ ਕੈਂਬਰਿਜ ਇੰਟਰਨੈਸ਼ਨਲ ਸਕੂਲ ਫਗਵਾੜਾ, ਵੇਟ ਲਿਫ਼ਟਿੰਗ ਰਾਮਗੜ੍ਹੀਆ ਕਾਲਜ, ਫ਼ੈਸਿੰਗ ਦੇ ਸੈਫ਼ਰਨ ਪਬਲਿਕ ਸਕੂਲ ਵਿਖੇ 6 ਨੂੰ ਹੋਣਗੇ। ਚੈਂਸ, ਸ਼ੂਟਿੰਗ, ਆਰਚਰੀ, ਸਾਫ਼ਟਬਾਲ, ਨੈਟਬਾਲ ਦੇ ਟਰਾਇਲ ਗੁਰੂ ਨਾਨਕ ਸਟੇਡੀਅਮ ਵਿੱਚ 7 ਤੇ ਟੇਬਲ ਟੈਨਿਸ ਦੇ ਟਰਾਇਲ 8 ਅਕਤੂਬਰ ਨੂੰ ਐਮ.ਜੀ.ਐਨ. ਪਬਲਿਕ ਸਕੂਲ ਕਪੂਰਥਲਾ ਵਿੱਚ ਹੋਣਗੇ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
