ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 22 ਜੂਨ
ਸੰਤ ਕਬੀਰ ਜੈਅੰਤੀ ਦੇ ਸੰਦਰਭ ਵਿੱਚ ਸਰਵ ਸਮਾਜ ਕਲਿਆਣ ਸਮਿਤੀ ਨੇ ਐੱਲਐੱਨਜੇਪੀ ਹਸਪਤਾਲ ਦੇ ਬਲੱਡ ਬੈਂਕ ਦੇ ਸਹਿਯੋਗ ਨਾਲ ਖੂਨ ਦਾਨ ਕੈਂਪ ਲਗਾਇਆ। ਕੈਂਪ ਦੀ ਪ੍ਰਧਾਨਗੀ ਸੇਵਾਮੁਕਤ ਅਧਿਕਾਰੀ ਨਰੇਸ਼ ਸੈਣੀ ਨੇ ਕੀਤੀ। ਕੈਂਪ ਵਿੱਚ 18 ਖੂਨ ਦਾਨੀਆਂ ਨੇ ਖੂਨ ਦਾਨ ਕੀਤਾ। ਇਸ ਮੌਕੇ ਮੀਤ ਪ੍ਰਧਾਨ ਕਰਮਬੀਰ ਸੈਣੀ, ਤਰੁਣ ਵਧਵਾ, ਅਜੀਤ ਤੇ ਕਰਨੈਲ ਦਾ ਵਿਸ਼ੇਸ਼ ਸਹਿਯੋਗ ਰਿਹਾ। ਇਸ ਮੌਕੇ ਸਮਿਤੀ ਦੇ ਸੂਬਾ ਪ੍ਰਧਾਨ ਰਮੇਸ਼ਵਰ ਸੈਣੀ ਖੂਨ ਦਾਨ ਦੀ ਮਹੱਤਤਾ ਬਾਰੇ ਜਾਣਕਾਰੀ ਦਿੱਤੀ। ਕੈਂਪ ਵਿੱਚ ਲੈਬਰੋਟਰੀ ਸਹਾਇਕ ਕੁਲਦੀਪ ਨੇ ਆਪਣੇ ਜਨਮ ਦਿਨ ’ਤੇ ਖੂਨ ਦਾਨ ਕੀਤਾ। ਸਮਿਤੀ ਮੈਂਬਰਾਂ ਨੇ ਕੇਕ ਕੱਟ ਕੇ ਉਸ ਨੂੰ ਜਨਮ ਦਿਨ ਦੀਆਂ ਵਧਾਈਆਂ ਦਿੱਤੀਆਂ। ਇਸ ਮੌਕੇ ਅਜੀਤ, ਨਰਿੰਦਰ, ਵਿਕੀ, ਆਸਮਾਨ, ਅਮਿਤ, ਰਮੇਸ਼, ਸਤੀਸ਼ ਪੁਲਕਿਤ, ਰਮੇਸ਼, ਨਵਜੋਤ ਮੌਜੂਦ ਸਨ।