ਟੋਹਾਣਾ: ਅੱਜ ਮਨਰੇਗਾ ਮਹਿਲਾ ਮਜ਼ਦੂਰਾਂ ’ਤੇ ਇੰਟਾ ਦੀ ਭਰੀ ਟਰਾਲੀ ਪਲਟ ਜਾਣ ਤੇ ਦੋ ਮਹਿਲਾ ਮਜ਼ਦੂਰਾਂ ਦੀ ਦੱਬ ਕੇ ਮੌਤ ਹੋ ਗਈ ਤੇ 8 ਮਹਿਲਾ ਮਜ਼ਦੂਰ ਗੰਭੀਰ ਰੂਪ ਵਿੱਚ ਜ਼ਖ਼ਮੀ ਹੋ ਗਈਆਂ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਪੁਲੀਸ ਟੀਮਾਂ ਤੇ ਬਚਾਅ ਦਲ ਮੌਕੇ ’ਤੇ ਪੁੱਜੇ। ਸਥਾਨਕ ਲੋਕਾਂ ਦੀ ਮਦਦ ਨਾਲ ਜ਼ਖ਼ਮੀ ਮਜ਼ਦੂਰਾਂ ਨੂੰ ਹਿਸਾਰ ਦੇ ਹਸਪਤਾਲ ਵਿੱਚ ਭਰਤੀ ਕੀਤਾ ਗਿਆ। ਮਿਲੀ ਜਾਣਕਾਰੀ ਮੁਤਾਬਕ ਹਿਸਾਰ ਦੀ ਕਵਾਰੀ ਪਿੰਡ ਦੀ ਸੜਕ ’ਤੇ ਸਫ਼ਾਈ ਦਾ ਕੰਮ ਚਲ ਰਿਹਾ ਸੀ ਕਿ ਦੁਪਹਿਰ ਦੋ ਵਜੇ ਮਹਿਲਾ ਮਨੇਰਗਾ ਮਜ਼ਦੂਰ ਰੋਟੀ ਖਾਣ ਵਾਸਤੇ ਸੜਕ ਕਿਨਾਰੇ ਬੈਠੀਆਂ ਸਨ। ਉਸ ਵੇਲੇ ਕੋਲੋਂ ਲੰਘਦੀ ਇੱਟਾਂ ਦੀ ਭਰੀ ਟਰੈਕਟਰ-ਟਰਾਲੀ ਵੱਡੇ ਵਾਹਨ ਨੂੰ ਰਸਤਾ ਦੇਣ ਸਮੇਂ ਪਲਟ ਜਾਣ ’ਤੇ ਦੋ ਮਜ਼ਦੂਰਾਂ ਦੇ ਵਾਹਨ ਥੱਲੇ ਦਬ ਜਾਣ ਕਾਰਨ ਮੌਕੇ ’ਤੇ ਹੀ ਮੌਤ ਹੋ ਗਈ ਤੇ 8 ਔਰਤਾਂ ਜ਼ਖ਼ਮੀ ਹੋ ਗਈਆਂ। ਜ਼ਖ਼ਮੀਆਂ ਵਿੱਚ 4-5 ਔਰਤਾਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
