ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 11 ਨਵੰਬਰ
ਵਿਦਿਆਰਥੀਆਂ ਨੂੰ ਟਰੈਫਿਕ ਨਿਯਮਾਂ ਸਬੰਧੀ ਜਾਗਰੂਕ ਕਰਨ ਲਈ ਸੂਬਾ ਭਰ ਵਿਚ ਸੜਕ ਸੁਰੱਖਿਆ ਕੁਇਜ਼ ਕਰਵਾਏ ਜਾਣਗੇ। ਇਨ੍ਹਾਂ ਸਬੰਧੀ ਬਲਾਕ ਪ੍ਰੀਖਿਆ 12 ਨਵੰਬਰ ਨੂੰ ਕਰਵਾਈ ਜਾਏਗੀ। ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਡੀਐੱਸਪੀ ਟਰੈਫਿਕ ਓਮ ਪ੍ਰਕਾਸ਼ ਨੇ ਦੱਸਿਆ ਕਿ ਇਹ ਮੁਕਾਬਲਾ ਚਾਰ ਵਰਗਾਂ ਵਿੱਚ ਹੋਵੇਗਾ। ਪਹਿਲੇ ਪੱਧਰ ’ਤੇ ਪਹਿਲੀ ਜਮਾਤ ਤੋਂ 5ਵੀਂ ਤੱਕ, ਦੂਜੇ ਪੱਧਰ ’ਤੇ 6ਵੀਂ ਤੋਂ 8ਵੀਂ ਤਕ, ਤੀਜੇ ਪੱਧਰ ’ਤੇ 9ਵੀਂ ਤੋਂ 12ਵੀਂ ਤੱਕ, ਚੌਥੇ ਪੱਧਰ ਤੇ ਕਾਲਜਾਂ ਤੇ ਆਈਟੀਆਈ ਤੱਕ ਦੇ ਵਿਦਿਆਰਥੀ ਹਿੱਸਾ ਲੈ ਸਕਣਗੇ। ਇਹ ਮੁਕਾਬਲੇ ਬਲਾਕ ਪੱਧਰ, ਰੇਂਜ ਪੱਧਰ ਤੇ ਰਾਜ ਪੱਧਰ ਤਕ ਹਨ। ਉਨ੍ਹਾਂ ਕਿਹਾ ਕਿ ਅੱਜ ਕੱਲ੍ਹ ਸੜਕ ਹਾਦਸਿਆਂ ਵਿੱਚ ਦਿਨੋਂ ਦਿਨ ਵਾਧਾ ਹੋ ਰਿਹਾ ਹੈ। ਹਾਦਸਿਆਂ ਨੂੰ ਰੋਕਣ ਲਈ ਬੱਚਿਆਂ ਨੂੰ ਟਰੈਫਿਕ ਨਿਯਮਾਂ ਤੋਂ ਜਾਗਰੂਕ ਕਰਾਉਣਾ ਬਹੁਤ ਜ਼ਰੂਰੀ ਹੈ।
