ਕੁਲਵਿੰਦਰ ਕੌਰ
ਫਰੀਦਾਬਾਦ, 29 ਜੂਨ
ਲਾਇਨਜ਼ ਕਲੱਬ ਜ਼ਿਲ੍ਹਾ 321-ਏ1 ਦੇ ਨਵੇਂ ਪ੍ਰਧਾਨ ਐੱਨਕੇ ਗੁਪਤਾ ਵੱਲੋਂ ਪ੍ਰੈੱਸ ਕਾਨਫਰੰਸ ਕਰ ਕੇ ਤਿੰਨ ਸਾਲ ਦੀਆਂ ਆਪਣੀਆਂ ਯੋਜਨਾਵਾਂ ਬਾਰੇ ਦੱਸਿਆ ਹੈ। ਸ੍ਰੀ ਗੁਪਤਾ ਨੇ ਆਸਟ੍ਰੇਲੀਆ ਦੇ ਮੈਲਬੌਰਨ ਤੋਂ ਆਪਣੀ ਜ਼ਿਲ੍ਹਾ ਗਵਰਨਰ ਦੀ ਪਾਰੀ ਬੀਤੇ ਦਿਨੀਂ ਸ਼ੁਰੂ ਕੀਤੀ ਹੈ। ਸ੍ਰੀ ਗੁਪਤਾ ਨੇ ਵਾਪਸੀ ਮਗਰੋਂ ਫਰੀਦਾਬਾਦ ਵਿੱਚ ਹਰਿਆਵਲ ਵਧਾਉਣ ਅਤੇ ਮੋਤੀਆ ਦੀ ਬਿਮਾਰੀ ਲਈ ਵਿਸ਼ੇਸ਼ ਮੁਹਿੰਮ ਸ਼ੁਰੂ ਕਰਨ ਬਾਰੇ ਪ੍ਰੈੱਸ ਕਾਨਫਰੰਸ ਦੌਰਾਨ ਦੱਸਿਆ ਕਿਉਂਕਿ ਫਰੀਦਾਬਾਦ ਸਨਅਤੀ ਖੇਤਰ ਹੋਣ ਕਰਕੇ ਪ੍ਰਦੂਸ਼ਣ ਦੀ ਮਾਰ ਹੇਠ ਹੈ। ਲਾਇਨ ਆਰਕੇ ਚਲਾਨਾ ਨੇ ਕਿਹਾ ਕਿ ਕਲੱਬ ਨੂੰ ਸੰਯੁਕਤ ਰਾਸ਼ਟਰ ਸੰਘ ਜੋ ਪ੍ਰਾਜੈਕਟ ਦਿੰਦਾ ਹੈ, ਉਹੀ ਸਥਾਨਕ ਹਾਲਾਤਾਂ ਮੁਤਾਬਕ ਸ਼ੁਰੂ ਕੀਤੇ ਜਾਂਦੇ ਹਨ।