ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 11 ਦਸੰਬਰ
ਆਰੀਆ ਕੰਨਿਆ ਕਾਲਜ ਦੇ ਵਣਿਜ ਵਿਭਾਗ ਵਲੋਂ ਆਨਲਾਈਨ ਰਾਸ਼ਟਰ ਪੱਧਰ ’ਤੇ ਲੇਖ ਲਿਖਣ ਮੁਕਾਬਲੇ ਕਰਵਾਏ ਗਏ ਜਿਸ ਦਾ ਵਿਸ਼ਾ ‘ਭਾਰਤ ਵਿਚ ਕੋਵਿਡ-19 ਦਾ ਪ੍ਰਭਾਵ’ ਸੀ। ਮੁਕਾਬਲੇ ਵਿਚ ਵੱਖ ਵੱਖ ਯੂਨੀਵਰਸਿਟੀਆਂ ਤੇ ਕਾਲਜਾਂ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਹਰਿਆਣਾ ਦੇ ਅੰਬਾਲਾ, ਜੀਂਦ, ਨਰਵਾਣਾ, ਮੁਲਾਣਾ, ਕੁਰੂਕਸ਼ੇਤਰ, ਕਰਨਾਲ, ਯਮੁਨਾਨਗਰ, ਪਾਨੀਪਤ ਤੇ ਪੰਜਾਬ ਦੇ ਮੋਗਾ, ਫਗਵਾੜਾ, ਜਲੰਧਰ ਆਦਿ ਯੂਨੀਵਰਸਿਟੀ ਤੇ ਕਾਲਜਾਂ ਦੇ 72 ਵਿਦਿਆਰਥੀਆਂ ਨੇ ਹਿੱਸਾ ਲਿਆ, ਜਿਸ ਵਿਚ ਮਨੀਸ਼ਾ ਸਿੰਘ ਤੰਵਰ ਬੀਪੀਐਸਐਮਵੀ ਕਾਲਜ ਸੋਨੀਪਤ ਨੇ ਪਹਿਲਾ, ਅਨੀਮੇਸ਼ ਵਤਸ, ਐਮ ਐਮ ਯੂਨੀਵਰਸਿਟੀ ਮੁਲਾਣਾ ਨੇ ਦੂਜਾ, ਅਰਸ਼ ਖੰਨਾ ਡੀਏਵੀ ਕਾਲਜ ਜਲੰਧਰ ਨੇ ਤੀਜਾ ਤੇ ਗੁਰਲੀਨ ਆਰੀਆ ਕੰਨਿਆ ਕਾਲਜ ਸ਼ਾਹਬਾਦ ਨੇ ਚੌਥਾ ਸਥਾਨ ਹਾਸਲ ਕੀਤਾ।
