ਗੂਹਲਾ ਚੀਕਾ (ਪੱਤਰ ਪ੍ਰੇਰਕ):
ਅਖਿਲ ਭਾਰਤੀ ਕਿਸਾਨ ਸਭਾ ਜ਼ਿਲ੍ਹਾ ਕਮੇਟੀ ਦੇ ਮੈਬਰਾਂ ਨੇ ਪਟੇ ਦੀ ਜ਼ਮੀਨ ਦਾ ਮਾਲਕਾਨਾ ਹੱਕ ਦੀ ਮੰਗ ਸਬੰਧੀ ਐੱਸਡੀਐੱਮ ਕ੍ਰਿਸ਼ਨ ਕੁਮਾਰ ਨੂੰ ਮੰਗ ਪੱਤਰ ਸੌਂਪਿਆ। ਭਾਰਤੀ ਕਿਸਾਨ ਸਭਾ ਦੇ ਮੈਂਬਰ ਜਸਪਾਲ ਸਿੰਘ, ਇੰਦਰ ਸਿੰਘ ਅਤੇ ਰਾਮਪਾਲ ਨੇ ਦੱਸਿਆ ਕਿ ਆਬਾਦਕਾਰ ਪਟੇਦਾਰ ਪਿਛਲੇ 65-70 ਸਾਲਾਂ ਤੋਂ ਇਸ ਜ਼ਮੀਨ ’ਤੇ ਖੇਤੀ ਕਰਦੇ ਆ ਰਹੇ ਹਨ ਅਤੇ ਜ਼ਮੀਨ ਦੀ ਲੀਜ਼ ਮਨੀ ਸਮੇਂ ਤੋਂ ਦੇ ਰਹੇ ਹਨ, ਇਸ ਦੇ ਬਾਵਜੂਦ ਪਟੇਦਾਰਾਂ ਨੂੰ ਹਰ ਸਮਾਂ ਜ਼ਮੀਨ ਸਤੋਂ ਬੇਦਖ਼ਲ ਕਰਨ ਦਾ ਡਰ ਬਣਿਆ ਰਹਿੰਦਾ ਹੈ। ਕਿਸਾਨਾਂ ਨੇ ਦੱਸਿਆ ਕਿ ਉਹ ਲੀਜ਼ ਮਨੀ ਦੇ ਰੂਪ ਵਿੱਚ ਹੁਣ ਤੱਕ ਜ਼ਮੀਨ ਦੀ ਕੀਮਤ ਅਦਾ ਕਰ ਚੁੱਕੇ ਹਨ। ਉਨ੍ਹਾਂ ਦੱਸਿਆ ਕਿ ਸਾਬਕਾ ਸਰਕਾਰ ਦੁਆਰਾ 3 ਜਨਵਰੀ 2008 , 28 ਨਵੰਬਰ 2010 ਅਤੇ 13 ਦਸੰਬਰ 2013 ਦੇ ਤਿੰਨ ਅਧਿਸੂਚਨਾ ਜਾਰੀ ਕਰ ਕਾਸ਼ਤਕਾਰ ਪਟੇਦਾਰਾਂ ਨੂੰ ਜ਼ਮੀਨ 99 ਸਾਲਾਂ ਦੇ ਮਾਲਕਾਨਾ ਤੇ ਦੇਣ ਦਾ ਕਾਨੂੰਨ ਪਾਸ ਕੀਤਾ ਸੀ ਪਰ ਅੱਜ ਤੱਕ ਇੱਕ ਵੀ ਕਿਸਾਨ ਨੂੰ 99 ਸਾਲ ਦਾ ਪਟਾ ਨਹੀਂ ਮਿਲਿਆ।