ਪੱਤਰ ਪ੍ਰੇਰਕ
ਟੋਹਾਣਾ, 17 ਫ਼ਰਵਰੀ
ਇਥੋਂ ਦੇ ਕਸਬਾ ਭੂਨਾ ਦੀ ਉਕਲਾਨਾ ਰੋਡ ’ਤੇ ਵੈਲਡਿੰਗ ਕਰਦੇ ਸਮੇਂ ਗੈਸ ਸਿਲੰਡਰ ਨੂੰ ਅੱਗ ਲੱਗਣ ’ਤੇ ਹੋਏ ਜ਼ੋਰਦਾਰ ਧਮਾਕੇ ਵਿੱਚ ਦੁਕਾਨਦਾਰ ਸੰਜੈ ਦੇ ਪੰਦਰਾ ਫੁੱਟ ਦੂਰ ਤੱਕ ਚਿਥੜੇ ਉਡ ਗਏ ਤੇ ਵਰਕਸ਼ਾਪ ਵਿੱਚ ਕੰਮ ਕਰਾਉਣ ਆਏ ਕਿਸਾਨ ਸੁਭਾਸ਼ ਜ਼ਖ਼ਮੀ ਹੋ ਗਿਆ। ਧਮਾਕੇ ਦੀ ਜ਼ੋਰਦਾਰ ਆਵਾਜ਼ ਸੁਣ ਕੇ ਨਜ਼ਦੀਕੀ ਲੋਕ ਵਰਕਸ਼ਾਪ ’ਤੇ ਪੁੱਜੇ ਤਾਂ ਅਜੈ ਦੀ ਮੌਤ ਹੋ ਚੁੱਕੀ ਸੀ ਤੇ ਕਿਸਾਨ ਸੁਭਾਸ਼ ਨੂੰ ਹਸਪਤਾਲ ਭਰਤੀ ਕੀਤਾ ਗਿਆ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਪੁਲੀਸ ਪਾਰਟੀਆਂ ਤੇ ਫਾਇਰ ਬ੍ਰਿਗੇਡ ਅਮਲਾ ਪੁੱਜਾ। ਮਿਲੀ ਜਾਨਕਾਰੀ ਮੁਤਾਬਿਕ ਅੱਜ ਕਰੀਬ 10.30 ਵਜੇ ਕਿਸਾਨ ਮਸ਼ੀਨਰੀ ਵੈਲਡਿੰਗ ਲਈ ਗਿਆ ਸੀ ਕਿ ਵੈਲਡਿੰਗ ਰੋਸਈ ਗੈਸ ਸਿਲੰਡਰ ਦੀ ਗੈਸ ਨਾਲ ਕੀਤੀ ਜਾਂਦੀ ਹੈ। ਗੈਸ ਚਾਲੂ ਕਰਕੇ ਜਿਓਂ ਹੀ ਵੈਲਡਿੰਗ ਚਾਲੂ ਕੀਤੀ ਤਾਂ ਅਚਾਨਕ ਅੱਗ ਸਿਲੰਡਰ ਤਕ ਜਾ ਪੁੱਜੀ ਤੇ ਧਮਾਕਾ ਹੋਣ ਤੇ ਅਜੈ ਮਿਸਤਰੀ ਦੀ ਮੌਤ ਹੋ ਗਈ।
