ਪੱਤਰ ਪ੍ਰੇਰਕ
ਡੱਬਵਾਲੀ, 16 ਜੂਨ
ਇੱਥੇ ਨਗਰ ਪ੍ਰੀਸ਼ਦ ਚੋਣਾਂ ਦੀ ਪ੍ਰਕਿਰਿਆ ਨੂੰ ਨੇਪਰੇ ਚਾੜ੍ਹਨ ਲਈ ਨਿਯੁਕਤ ਚੋਣ ਅਮਲੇ ਨੂੰ ਅੱਜ ਸ੍ਰੀ ਗੁਰੂ ਗੋਬਿੰਦ ਸਿੰਘ ਇਨਡੋਰ ਸਟੇਡੀਅਮ ’ਚ ਰਿਹਰਸਲ ਕਰਵਾਈ ਗਈ। ਈ.ਵੀ.ਐੱਮ ਮਾਸਟਰ ਟਰੇਨਰਜ਼ ਨੇ ਪੋਲਿੰਗ ਪਾਰਟੀਆਂ ਨੂੰ ਚੋਣ ਪ੍ਰਕਿਰਿਆ ਦੀਆਂ ਬਾਰੀਕੀਆਂ ਦੱਸਣ ਲਈ ਹੈਂਡ-ਆਨ ਸਿਖਲਾਈ ਵੀ ਦਿੱਤੀ ਗਈ। ਡੱਬਵਾਲੀ ਦੇ 45 ਬੂਥਾਂ ਲਈ 54 ਪੋਲਿੰਗ ਪਾਰਟੀਆਂ ਬਣਾਈਆਂ ਗਈਆਂ ਹਨ, ਜਿਨ੍ਹਾਂ ਵਿੱਚੋਂ 9 ਪਾਰਟੀਆਂ ਨੂੰ ਰਿਜ਼ਰਵ ਰੱਖਿਆ ਗਿਆ ਹੈ। ਡੱਬਵਾਲੀ ’ਚ ਨਗਰ ਪ੍ਰੀਸ਼ਦ ਦੇ 21 ਵਾਰਡਾਂ ਅਤੇ ਚੇਅਰਮੈਨ ਦੀ ਚੋਣ ਲਈ 19 ਜੂਨ ਨੂੰ ਵੋਟਾਂ ਪੈਣੀਆਂ ਹਨ। ਇਸ ਮੌਕੇ ਤਹਿਸੀਲਦਾਰ ਭੁਵਨੇਸ਼ਵਰ ਕੁਮਾਰ, ਨਾਇਬ ਤਹਿਸੀਲਦਾਰ ਓਮਬੀਰ, ਈ.ਓ. ਸੁਰਿੰਦਰ ਕੁਮਾਰ, ਈ.ਵੀ.ਐਮ. ਮਾਸਟਰ ਟਰੇਨਰ ਪ੍ਰੇਮ ਕੁਮਾਰ ਹਾਜ਼ਰ ਸਨ।
