ਸਿਰਸਾ, 26 ਅਗਸਤ
ਇਥੋਂ ਦੀ ਸੀਆਈਏ ਥਾਣਾ ਪੁਲੀਸ ਨੇ ਪੰਜਾਬ ਦੀ ਹੱਦ ਨੇੜੇ ਪਿੰਡ ਮੁਸਾਹਿਬਵਾਲਾ ’ਤੇ ਨਾਕੇ ਤੋਂ ਮੋਟਰਸਾਈਕਲ ’ਤੇ ਸਵਾਰ ਮਹਿਲਾ ਤੇ ਨੌਜਵਾਨ ਨੂੰ ਤਿੰਨ ਲੱਖ ਦੀ ਨਕਲੀ ਕਰੰਸੀ ਸਮੇਤ ਕਾਬੂ ਕੀਤਾ ਹੈ। ਮੁਲਜ਼ਮਾਂ ਦੀ ਪਛਾਣ ਗਗਨਦੀਪ ਸਿੰਘ ਵਾਸੀ ਪਿੰਡ ਧਮੁੜੀ ਜਲੰਧਰ ਅਤੇ ਹਰਪਾਲ ਕੌਰ ਵਾਸੀ ਨਹਿਰ ਕਲੋਨੀ ਸਿਰਸਾ ਵਜੋਂ ਕੀਤੀ ਗਈ ਹੈ। ਡੀਐੱਸਪੀ ਆਰਿਅਨ ਚੌਧਰੀ ਨੇ ਦੱਸਿਆ ਹੈ ਕਿ ਪੰਜਾਬ ਦੀ ਹੱਦ ਨਾਲ ਪਿੰਡ ਮੁਸਾਹਿਬਵਾਲਾ ਨੇੜੇ ਨਾਕਾ ਲਾਇਆ ਹੋਇਆ ਸੀ ਤੇ ਪੁਲੀਸ ਨੇ ਮੋਟਰਸਾਈਕਲ ਸਵਾਰ ਨੌਜਵਾਨ ਤੇ ਮਹਿਲਾ ਨੂੰ ਰੋਕ ਕੇ ਪੁੱਛ-ਪੜਤਾਲ ਕੀਤੀ ਤੇ ਤਲਾਸ਼ੀ ਲੈਣ ’ਤੇ ਉਨ੍ਹਾਂ ਕੋਲੋਂ ਦੇਸ਼ ਦੀ ਕਰੰਸੀ ਦੇ 3 ਲੱਖ ਨੋਟ ਨਕਲੀ ਬਰਾਮਦ ਹੋਈ।
