ਸ਼ਾਹਬਾਦ ਮਾਰਕੰਡਾ: ਕੌਮੀ ਟੀਕਾਕਰਨ ਦਿਵਸ ਮੌਕੇ ਕਮਿਊਨਿਟੀ ਸੈਂਟਰ ਬਾਬੈਨ ਵਿਚ ਤਿੰਨ ਰੋਜ਼ਾ ‘ਪਲਸ ਪੋਲੀਓ ਮੁਹਿੰਮ’ ਦੀ ਸ਼ੁਰੂਆਤ ਕੀਤੀ ਗਈ। ਇਸ ਮੁਹਿੰਮ ਦਾ ਉਦਘਾਟਨ ਸਰਪੰਚ ਸੰਜੀਵ ਸਿੰਗਲਾ ਉਰਫ ਗੋਲਡੀ ਨੇ ਕੀਤਾ ਤੇ ਪ੍ਰੋਗਰਾਮ ਦੀ ਪ੍ਰਧਾਨਗੀ ਓਮ ਪ੍ਰਕਾਸ਼ ਸੈਣੀ ਨੇ ਕੀਤੀ। ਸੈਂਟਰ ਦੇ ਡਾਕਟਰ ਰਿਸ਼ੀ ਸੈਣੀ ਦੀ ਦੇਖ-ਰੇਖ ਵਿੱਚ 5 ਸਾਲ ਤੱਕ ਦੇ 3115 ਬੱਚਿਆਂ ਨੂੰ ਪੋਲੀਓ ਰੋਕੂ ਦਵਾਈ ਪਿਲਾਈ ਜਾਵੇਗੀ। ਇਸ ਲਈ ਹਲਕੇ ਵਿਚ 30 ਬੂਥ ਬਣਾਏ ਗਏ ਹਨ ਤੇ 90 ਕਰਮਚਾਰੀ ਡਿਊਟੀ ’ਤੇ ਤਾਇਨਾਤ ਹਨ। ਡਾ. ਰਿਸ਼ੀ ਸੈਣੀ ਨੇ ਬੱਚਿਆਂ ਦੇ ਮਾਪਿਆਂ ਨੂੰ ਸੱਦਾ ਦਿੱਤਾ ਕਿ ਉਹ ਇਸ ਨੂੰ ਗੰਭੀਰਤਾ ਨਾਲ ਲੈਣ ਤੇ ਆਪਣੇ 5 ਸਾਲ ਤੱਕ ਦੇ ਬੱਚਿਆਂ ਨੂੰ ਪੋਲੀਓ ਰੋਕੂ ਦਵਾਈ ਪਿਲਾਉਣ ਤੇ ਮੁਹਿੰਮ ਵਿਚ ਸਿਹਤ ਕਾਮਿਆਂ ਨੂੰ ਸਹਿਯੋਗ ਦੇਣ। -ਪੱਤਰ ਪ੍ਰੇਰਕ
ਪੋਲੀਓ ਰੋਕੂ ਦਵਾਈ ਪਿਲਾਉਣ ਦੀ ਮੁਹਿੰਮ ਸ਼ੁਰੂ ਕਰਦੇ ਹੋਏ ਸੰਜੀਵ ਸਿੰਗਲਾ। -ਫੋਟੋ: ਸਤਨਾਮ ਸਿੰਘ
ਸਬੰਧਿਤ ਖ਼ਬਰਾਂ
