ਪੱਤਰ ਪ੍ਰੇਰਕ
ਫਰੀਦਾਬਾਦ, 24 ਜੁਲਾਈ
ਰੋਟਰੀ ਕਲੱਬ ਨੇ ਸੈਕਟਰ-15 ਮਾਰਕੀਟ ਫਰੀਦਾਬਾਦ ਵਿੱਚ ਇੱਕ ਮੁਫਤ ਮੈਮੋਗ੍ਰਾਫੀ ਕੈਂਪ ਲਗਾਇਆ। ਕੈਂਪ ਦਾ ਉਦਘਾਟਨ ਜ਼ਿਲ੍ਹਾ ਗਵਰਨਰ ਇਲੈਕਟ 2023-24 ਜਤਿੰਦਰ ਗੁਪਤਾ ਤੇ ਰੋਟੇਰੀਅਨ ਦੀਪਤੀ ਗੁਪਤਾ ਨੇ ਕੀਤਾ। ਇਹ ਮੈਮੋਗ੍ਰਾਫੀ ਕੈਂਪ 40 ਸਾਲ ਤੋਂ ਵੱਧ ਉਮਰ ਦੀਆਂ ਔਰਤਾਂ ਲਈ ਛਾਤੀ ਦੇ ਕੈਂਸਰ ਦੀ ਪਛਾਣ ਲਈ ਲਗਾਇਆ ਗਿਆ ਸੀ। ਮੈਮੋਗ੍ਰਾਫੀ ਵੈਨ ਰੋਟਰੀ ਡਿਸਟ੍ਰਿਕਟ 3011 ਦੀ ਸੀ। ਰੋਟਰੀ ਕਲੱਬ ਫਰੀਦਾਬਾਦ ਹੈਪੀਨੇਸ ਦੀ ਪ੍ਰਧਾਨ ਆਰਜੇ ਭਾਵਨਾ ਸ਼ਰਮਾ ਨੇ ਕਿਹਾ ਕਿ ਕੈਂਸਰ ਬਹੁਤ ਆਮ ਹੋ ਗਿਆ ਹੈ ਅਤੇ ਇਸ ਬਾਰੇ ਸਾਰਿਆਂ ਨੂੰ ਜਾਗਰੂਕ ਕਰਨਾ ਸਾਡੇ ਕਲੱਬ ਦੀ ਪਹਿਲ ਹੈ। ਕਲੱਬ ਦੇ ਖਜ਼ਾਨਚੀ ਮੇਘਾ ਬਿੰਦਲ ਨੇ ਦੱਸਿਆ ਕਿ ਰੋਟਰੀ ਕਲੱਬ ਆਫ ਫਰੀਦਾਬਾਦ ਹੈਪੀਨੇਸ ਨਾਲ ਮਿਲ ਕੇ ਭਵਿੱਖ ਵਿੱਚ ਵੀ ਲੋੜਵੰਦ ਔਰਤਾਂ ਲਈ ਅਜਿਹੇ ਕੈਂਪ ਲਗਾਉਂਦਾ ਰਹਿਗਾ।
