ਟ੍ਰਿਬਿਊਨ ਨਿਊਜ਼ ਸਰਵਿਸ
ਪਾਣੀਪਤ, 15 ਅਪਰੈਲ
ਇਸ ਜ਼ਿਲ੍ਹੇ ਵਿੱਚ ਅੱਜ ਬਾਅਦ ਦੁਪਹਿਰ ਟਰੱਕ ਨਾਲ ਟਕਰਾਉਣ ਕਾਰਨ ਕਾਰ ਵਿੱਚ ਸਵਾਰ ਤਿੰਨ ਲੋਕ ਜ਼ਿੰਦਾ ਸੜ ਗਏ। ਪੁਲੀਸ ਅਨੁਸਾਰ ਇਸਰਾਨਾ ਵਿੱਚ ਪਾਣੀਪਤ-ਰੋਹਤਕ ਹਾਈਵੇਅ ‘ਤੇ ਅਨਾਜ ਮੰਡੀ ਦੇ ਕੋਲ ਚੱਲ ਰਹੇ ਟਰੱਕ ਦੇ ਪਿੱਛੇ ਆਈ-20 ਕਾਰ ਟਕਰਾਉਣ ਕਾਰਨ ਧਮਾਕੇ ਤੋਂ ਬਾਅਦ ਉਸ ਨੂੰ ਅੱਗ ਲੱਗ ਗਈ।
ਆਸਪਾਸ ਦੇ ਲੋਕਾਂ ਨੇ ਅੱਗ ‘ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਫਾਇਰ ਬ੍ਰਿਗੇਡ ਨੂੰ ਵੀ ਸੂਚਿਤ ਕੀਤਾ। ਏਐੱਸਪੀ ਪੂਜਾ ਵਸ਼ਿਸ਼ਠ ਨੇ ਪੁਲੀਸ ਟੀਮ ਸਮੇਤ ਮੌਕੇ ’ਤੇ ਪੁੱਜ ਕੇ ਮਾਮਲੇ ਦਾ ਜਾਇਜ਼ਾ ਲਿਆ। ਮ੍ਰਿਤਕਾਂ ਦੀ ਪਛਾਣ ਨਹੀਂ ਹੋਈ। ਕਾਰ ਸੀਐੱਨਜੀ ਨਾਲ ਚੱਲਦੀ ਸੀ ਤੇ ਇਸ ਕਾਰਨ ਟੱਕਰ ਹੋਣ ਬਾਅਤ ਉਸ ਨੂੰ ਅੱਗ ਲੱਗ ਗਈ ਤੇ ਕਾਰ ਲੌਕ ਹੋ ਗਈ। ਇਸ ਕਾਰਨ ਕਾਰ ਸਵਾਰ ਤਿੰਨ ਲੋਕ ਜ਼ਿੰਦਾ ਸੜ ਕੇ ਮਰ ਗਏ।
