ਪੱਤਰ ਪ੍ਰੇਰਕ
ਰਤੀਆ, 3 ਅਗਸਤ
ਰਤੀਆ ਇਲਾਕੇ ਦੇ ਪਿੰਡ ਚਿੰਮੋ ਵਾਸੀ ਦੀਪਕ ਕੰਬੋਜ ਨੂੰ ਦਿਵਿਆਂਗ ਕ੍ਰਿਕਟ ਕੰਟਰੋਡ ਬੋਰਡ ਆਫ਼ ਇੰਡੀਆ ਵੱਲੋਂ ਮੁੜ ਕੋਚ ਨਿਯੁਕਤ ਕਰਨ ’ਤੇ ਇਲਾਕੇ ਵਿੱਚ ਖੁਸ਼ੀ ਦੀ ਲਹਿਰ ਹੈ।
ਇਸ ਸਬੰਧੀ ਅੱਜ ਨਗਰ ਕੌਂਸਲ ਦੇ ਚੇਅਰਪਰਸਨ ਮਹੇਸ਼ ਖੰਨਾ ਕਾਲੂ ਅਤੇ ਹਰਬੰਸ ਖੰਨਾ ਨੇ ਅਨਾਜ ਮੰਡੀ ਸਥਿਤ ਆਪਣੇ ਦਫ਼ਤਰ ਵਿਚ ਦੀਪਕ ਕੰਬੋਜ ਦਾ ਸਨਮਾਨ ਕੀਤਾ। ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਦੀਪਕ ਕੁਮਾਰ ਤਜੁਰਬੇਕਾਰ ਖਿਡਾਰੀ ਹਨ, ਜਿਨ੍ਹਾਂ ਨੇ ਇਸ ਤੋਂ ਪਹਿਲਾਂ ਵੀ ਟੀਮਾਂ ਨੂੰ ਕੋਚਿੰਗ ਦਿੰਦਿਆਂ ਕਈ ਵਾਰ ਜਿਤਾਇਆ ਹੈ। ਉਨ੍ਹਾਂ ਕਿਹਾ ਕਿ ਸ੍ਰੀ ਕੰਬੋਜ ਕਾਫ਼ੀ ਮਿਹਨਤੀ ਇਨਸਾਨ ਹਨ ਤੇ ਖੇਡਾਂ ਪ੍ਰਤੀ ਉਨ੍ਹਾਂ ਝੁਕਾਅ ਲਾਜਵਾਬ ਹੈ। ਇਸ ਮੌਕੇ ਜੋਗਿੰਦਰ ਤਨੇਜਾ, ਸਤੀਸ਼ ਹਾਂਡਾ, ਸੁਭਾਸ਼ ਚੁੱਘ, ਗੁਲਾਬ ਗਰੋਵਰ, ਐਡਵੋਕੇਟ ਸ਼ੁਭਮ ਖੰਨਾ, ਬਗੀਚਾ ਸਿੰਘ, ਸੁਭਾਸ਼ ਖਟੀਕ ਸਮੇਤ ਹੋਰ ਪਤਵੰਤੇ ਹਾਜ਼ਰ ਸਨ।
