ਇਕਬਾਲ ਸਿੰਘ ਸ਼ਾਂਤ
ਡੱਬਵਾਲੀ, 22 ਜੁਲਾਈ
ਚੌਟਾਲਾ ਵਿੱਚ ਸ਼ਰਾਬ ਠੇਕੇਦਾਰਾਂ ਦੀ ਹੱਤਿਆ ਦੀਆਂ ਜੜ੍ਹਾਂ ਸਾਲ 2014 ’ਚ ਸੰਗਰੀਆ ‘ਚ ਵਿਦਿਆਰਥੀ ਸੰਘ ਚੋਣਾਂ ਮੌਕੇ ਹੋਏ ਸੰਦੀਪ ਪਟਰੋਲ ਅਤੇ ਸੋਨੂੰ ਬਿਸ਼ਨੋਈ ਦੇ ਦੋਹਰੇ ਕਤਲ ਨਾਲ ਜੁੜ ਗਈਆਂ ਹਨ। ਰਾਜਸਥਾਨ ਦੀ ਪੀਲੀਬੰਗਾ ਪੁਲੀਸ ਨੇ ਸ਼ਰਾਬ ਠੇਕੇਦਾਰਾਂ ਦੀ ਹੱਤਿਆ ਮਾਮਲੇ ‘ਚ ਦੋ ਨੌਜਵਾਨਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਵਿੱਚੋਂ ਇੱਕ ਰਾਹੁਲ ਉਰਫ਼ ਮਿੰਨੀ ਪਟਰੋਲ, ਮ੍ਰਿਤਕ ਸੰਦੀਪ ਬਿਸ਼ਨੋਈ ਉਰਫ ਪਟਰੋਲ ਦਾ ਭਰਾ ਹੈ। ਪੀਲੀਬੰਗਾ ਪੁਲੀਸ ਨੇ ਕਾਬੂ ਨੌਜਵਾਨ ਮਿੰਨੀ ਪਟਰੋਲ ਅਤੇ ਉਸਦੇ ਸਾਥੀ ਅੰਕਿਤ ਉਰਫ਼ ਭਾਨੂੰ ਵਾਸੀ ਜੰਡਵਾਲਾ ਬਿਸ਼ਨੋਈਆ ਕੋਲੋਂ 229 ਕਾਰਤੂਸ ਅਤੇ ਨਜਾਇਜ਼ ਪਿਸਤੌਲ ਬਰਾਮਦ ਕੀਤਾ ਹੈ। ਇਸੇ ਦੌਰਾਨ ਡੱਬਵਾਲੀ ਪੁਲੀਸ ਨੇ ਨਾਮਜ਼ਦ ਮੁਲਜ਼ਮ ਸੰਨੀ ਭਾਟ ਵਾਸੀ ਚੌਟਾਲਾ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਅਦਾਲਤ ਨੇ ਮੁਲਜ਼ਮ ਸੰਨੀ ਭਾਟ ਦਾ ਚਾਰ ਦਿਨਾਂ ਪੁਲੀਸ ਰਿਮਾਂਡ ਦਿੱਤਾ ਹੈ।
