ਪੱਤਰ ਪ੍ਰੇਰਕ
ਯਮੁਨਾਨਗਰ, 22 ਅਗਸਤ
ਇਥੇ ਗਣੇਸ਼ ਚਤੁਰਥੀ ਸ਼ਰਧਾ ਨਾਲ ਮਨਾਈ ਗਈ ਤੇ ਲੋਕਾਂ ਨੇ ਆਪਣੇ ਘਰਾਂ ਵਿੱਚ ਗਣੇਸ਼ ਦੀ ਸਥਾਪਨਾ ਕਰ ਕੇ ਪੂਜਾ ਕੀਤੀ। ਇਸ ਤੋਂ ਇਲਾਵਾ ਸਮਾਜਿਕ ਦੂਰੀ ਤੇ ਮਾਸਕ ਵਾਲੇ ਨੇਮਾਂ ਦੀ ਪਾਲਣਾ ਕਰਦਿਆਂ ਲੋਕ ਗਣੇਸ਼ ਮੰਦਰ, ਲਾਲ ਦਵਾਰਾ ਮੰਦਰ, ਸ਼ਿਵ ਮੰਦਰ ਵਿੱਚ ਨਤਮਸਤਕ ਹੋਏ। ਇਸ ਦੌਰਾਨ ਕਰੋਨਾ ਮਹਾਮਾਰੀ ਕਰ ਕੇ ਲੋਕਾਂ ਨੇ ਪੰਡਾਲਾਂ ਵਿੱਚ ਗਣੇਸ਼ ਸਥਾਪਿਤ ਨਹੀਂ ਕੀਤੇ, ਜਿਸ ਕਰ ਕੇ ਮੂਰਤੀਕਾਰ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਬਹੁਤ ਪ੍ਰੇਸ਼ਾਨ ਹਨ। ਉਨ੍ਹਾਂ ਕਿਹਾ ਕਿਹਾ ਕਰੋਨਾ ਕਾਰਨ ਉਨ੍ਹਾਂ ਦਾ ਧੰਦਾ ਖਾਸਾ ਪ੍ਰਭਾਵਿਤ ਹੋਇਆ ਹੈ। ਇਸ ਦੌਰਾਨ ਮੂਰਤੀਕਲਾ ਦਾ ਕੰਮ ਕਰ ਰਹੇ ਰਮੇਸ਼, ਰਾਮ ਲਖਨ, ਦਿਨੇਸ਼ ਅਤੇ ਹੋਰ ਮੂਰਤੀਕਾਰਾਂ ਨੇ ਸਰਕਾਰ ਤੋਂ ਆਰਥਿਕ ਸਹਾਇਤਾ ਦੀ ਮੰਗ ਕੀਤੀ ਹੈ।
