ਸ਼ੀਸ਼ਪਾਲ ਕੇਹਰਵਾਲਾ
ਕਾਲਾਂਵਾਲੀ: ਵਿਧਾਨ ਸਭਾ ਖੇਤਰ ਕਾਲਾਂਵਾਲੀ (ਐੱਸਸੀ ਰਿਜ਼ਰਵ) ਤੋਂ ਕਾਂਗਰਸ ਦੇ ਸ਼ੀਸ਼ਪਾਲ ਕੇਹਰਵਾਲਾ ਚੋਣ ਜਿੱਤ ਗਏ। ਉਨ੍ਹਾਂ ਨੇੜਲੇ ਵਿਰੋਧੀ ਭਾਜਪਾ ਦੇ ਰਾਜਿੰਦਰ ਸਿੰਘ ਦੇਸੂਯੋਧਾ ਨੂੰ 22,959 ਵੋਟਾਂ ਦੇ ਫਰਕ ਨਾਲ ਹਰਾਇਆ। ਇਸ ਚੋਣ ਵਿੱਚ ਕਾਂਗਰਸੀ ਉਮੀਦਵਾਰ ਸ਼ੀਸ਼ਪਾਲ ਕੇਹਰਵਾਲਾ ਨੂੰ 66,728 ਵੋਟਾਂ ਮਿਲੀਆਂ ਹਨ, ਜਦਕਿ ਭਾਰਤੀ ਜਨਤਾ ਪਾਰਟੀ ਦੇ ਰਾਜਿੰਦਰ ਸਿੰਘ ਦੇਸੂਯੋਧਾ 43,769 ਵੋਟਾਂ, ਇਨੈਲੋ ਦੇ ਗੁਰਤੇਜ ਸਿੰਘ ਨੂੰ 24,200, ਆਮ ਆਦਮੀ ਪਾਰਟੀ ਦੇ ਜਸਦੇਵ ਸਿੰਘ 3,629 ਅਤੇ ਜਨਨਾਇਕ ਜਨਤਾ ਪਾਰਟੀ ਦੇ ਗੁਰਜੰਟ ਸਿੰਘ ਤਿਗੜੀ ਨੂੰ 1,405 ਵੋਟਾਂ ਅਤੇ ਨੋਟਾ ਨੂੰ 852 ਵੋਟਾਂ ਮਿਲੀਆਂ। ਸ਼ੀਸ਼ਪਾਲ ਕੇਹਰਵਾਲਾ ਦੀ ਹਲਕਾ ਕਾਲਾਂਵਾਲੀ ਵਿੱਚ ਇਹ ਲਗਾਤਾਰ ਦੂਜੀ ਜਿੱਤ ਹੈ। -ਪੱਤਰ ਪ੍ਰੇਰਕ
