ਪ੍ਰਭੂ ਦਿਆਲ
ਸਿਰਸਾ, 18 ਜੂਨ
ਇਥੋਂ ਦੀ ਸ਼ਹੀਦ ਭਗਤ ਸਿੰਘ ਸਟੇਡੀਅਮ ’ਚ ਅੱਜ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਕੌਮਾਂਤਰੀ ਯੋਗ ਦਿਵਸ ਦੀ ਰਿਹਰਸਲ ਸ਼ੁਰੂ ਕਰਵਾਈ ਗਈ, ਜਿਸ ਵਿੱਚ ਕੋਵਿਡ-19 ਦੇ ਨੇਮਾਂ ਦੀਆਂ ਧੱਜੀਆਂ ਉਡਾਈਆਂ ਗਈਆਂ। ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਦਾਆਵਾ ਕੀਤਾ ਜਾ ਰਿਹਾ ਹੈ ਕਿ ਕੌਮਾਂਤਰੀ ਯੋਗ ਦਿਵਸ ਕੋਵਿਡ-19 ਦੇ ਨੇਮਾਂ ਦੀ ਪਾਲਣਾ ਕਰਦੇ ਹੋਏ ਮਨਾਇਆ ਜਾਵੇਗਾ। ਅੱਜ ਰਿਹਰਸਲ ਵਿੱਚ ਸਿਟੀ ਮੈਜਿਸਟ੍ਰੇਟ ਗੌਰਵ ਗੁਪਤਾ ਸਮੇਤ ਕਈ ਪ੍ਰਸ਼ਾਸਨਿਕ ਅਧਿਕਾਰੀ ਮੌਜੂਦ ਸਨ। ਜ਼ਿਲ੍ਹੇ ਵਿੱਚ 50 ਥਾਵਾਂ ’ਤੇ ਕੌਮਾਂਤਰੀ ਯੋਗ ਦਿਵਸ ਮਨਾਇਆ ਜਾਵੇਗਾ। ਹਰ ਥਾਂ ’ਤੇ ਪੰਜਾਹ ਲੋਕ ਯੋਗ ਕੈਂਪ ਵਿੱਚ ਸ਼ਿਕਰਤ ਕਰਨਗੇ ਅਤੇ ਉਹ ਕੋਵਿਡ-19 ਦੇ ਨੇਮਾਂ ਦੀ ਪਾਲਣਾ ਕਰਨਗੇ। ਅੱਜ ਯੋਗ ਕੈਂਪ ਦੇ ਪਹਿਲੇ ਦਿਨ ਯੋਗ ਕਰਨ ਵਾਲਿਆਂ ਨੇ ਭਾਵੇਂ ਆਪਸੀ ਕੁਝ ਦੂਰੀ ਰੱਖੀ ਸੀ ਪਰ ਜ਼ਿਆਦਾਤਰ ਲੋਕਾਂ ਨੇ ਮਾਸਕ ਨਹੀਂ ਲਾਏ ਹੋਏ ਸਨ, ਜੋ ਕੋਵਿਡ-19 ਦੇ ਨੇਮਾਂ ਉਲੰਘਣਾ ਹੈ।
