ਪ੍ਰਭੂ ਦਿਆਲ
ਸਿਰਸਾ, 23 ਅਪਰੈਲ
ਇਥੋਂ ਦੀ ਸੀਆਈਏ ਥਾਣਾ ਪੁਲੀਸ ਨੇ ਅੰਤਰਰਾਜੀ ਚੋਰ ਗਰੋਹ ਦੇ ਚਾਰ ਮੈਂਬਰ ਕਾਬੂ ਕੀਤੇ ਹਨ। ਪੁਲੀਸ ਵੱਲੋਂ ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ ਵਿਜੈ ਉਰਫ਼ ਸੋਨੂੰ, ਅਜੈ ਕੁਮਾਰ, ਰਾਮ ਨਿਵਾਸ ਵਾਸੀ ਜੋਧਕਾਂ ਅਤੇ ਰਾਜਾ ਵਾਸੀ ਮਾਖੋਸਰਾਣੀ ਵਜੋਂ ਕੀਤੀ ਗਈ ਹੈ। ਜ਼ਿਲ੍ਹਾ ਪੁਲੀਸ ਮੁਖੀ ਡਾ. ਅਰਪਿਤ ਜੈਨ ਨੇ ਦੱਸਿਆ ਹੈ ਕਿ ਫੜੇ ਗਏ ਵਿਅਕਤੀਆਂ ਨੇ ਹਰਿਆਣਾ ਤੇ ਰਾਜਸਥਾਨ ਤੋਂ ਕਈ ਚੋਰੀਆਂ ਕੀਤੀਆਂ ਹਨ। ਇਸ ਅੰਤਰਰਾਜੀ ਚੋਰ ਗਰੋਹ ਦੇ ਮੈਂਬਰਾਂ ਦੀ ਨਿਸ਼ਾਨਦੇਹੀ ’ਤੇ ਦਸ ਮੋਟਰਸਾਈਕਲ, ਇਕ ਟਰੈਕਟਰ, ਵਾਸ਼ਿੰਗ ਮਸ਼ੀਨ, ਦੋ ਇੰਵਰਟਰ, 2 ਪ੍ਰਿੰਟਰ, ਚਾਰ ਮੌਨੀਟਰ, ਡੀਵੀਆਰ ਤੋਂ ਇਲਾਵਾ ਕਈ ਹੋਰ ਇਲੈਕਟਰੋਨਿਕ ਚੀਜ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ।
