ਪੱਤਰ ਪ੍ਰੇਰਕ
ਰਤੀਆ, 20 ਸਤੰਬਰ
ਲੋਕ ਚੇਤਨਾ ਮੰਚ ਹਰਿਆਣਾ ਵੰਲੋਂ ਸਾਹਿਤ ਚੇਤਨਾ ਲਾਇਬ੍ਰੇਰੀ ਵਿਚ ਵਿਸ਼ੇਸ਼ ਅਧਿਆਪਕ ਸਨਮਾਨ ਸਮਾਰੋਹ ਕਰਵਾਇਆ ਗਿਆ। ਸਮਾਰੋਹ ਦੀ ਪ੍ਰਧਾਨਗੀ ਮੰਚ ਦੇ ਚੇਅਰਮੈਨ ਡਾ. ਨੈਬ ਸਿੰਘ ਮੰਡੇਰ ਨੇ ਕੀਤੀ। ਸਮਾਰੋਹ ਵਿਚ ਮੁੱਖ ਮਹਿਮਾਨ ਕੈਪਟਨ ਗੁਰਮੁਖ ਸਿੰਘ ਭੁੱਲਰ ਸ਼ਾਮਿਲ ਹੋਏ। ਮੰਚ ਦੇ ਚੇਅਰਮੈਨ ਡਾ. ਮੰਡੇਰ ਨੇ ਸਭ ਦਾ ਸਵਾਗਤ ਕਰਦੇ ਹੋਏ ਮੰਚ ਦੀਆਂ ਪਿਛਲੇ 32 ਸਾਲਾਂ ਦੀਆਂ ਗਤੀਵਿਧੀਆਂ ’ਤੇ ਚਾਨਣਾ ਪਾਇਆ। ਉਨ੍ਹਾਂ ਕਿਹਾ ਕਿ ਚੰਗੇ ਸਮਾਜ ਦੀ ਸਿਰਜਨਾ ਵਿਚ ਅਧਿਆਪਕ ਵਰਗ ਦਾ ਵਿਸ਼ੇਸ਼ ਯੋਗਦਾਨ ਹੈ।
ਇਸ ਮੌਕੇ ਸਨਮਾਨਤ ਸ਼ਖਸੀਅਤ ਜਗਜਤਿੰਦਰ ਸਿੰਘ, ਬੁਲਾਰੇ ਸਨੇਹ ਲਤਾ ਨੂੰ ਮੰਚ ਦੇ ਚੇਅਰਮੈਨ ਡਾ. ਨੈਬ ਸਿੰਘ ਮੰਡੇਰ, ਮੰਚ ਦੇ ਜਨਰਲ ਸਕੱਤਰ ਆਰਟਿਸਟ ਮਿਸ਼ਨ ਸਿੰਘ, ਪ੍ਰਵਕਤਾ ਰਾਮ ਗੋਪਾਲ ਬਲਾਨਾ, ਖਜ਼ਾਨਚੀ ਰਾਮ ਗੋਪਾਲ ਵਰਮਾ ਨੇ ਲੋਈ, ਪ੍ਰਸ਼ੰਸ਼ਾ ਪੱਤਰ ਅਤੇ ਸਾਬਕਾ ਰਾਸ਼ਟਰਪਤੀ ਸਰਵਪੱਲੀ ਰਾਧਾ ਕ੍ਰਿਸ਼ਨਨ ਦੀ ਪੋਟਰੇਟ ਦੇ ਕੇ ਸਨਮਾਨਿਤ ਕੀਤਾ।
