ਨਿਜੀ ਪੱਤਰ ਪ੍ਰੇਰਕ
ਅੰਬਾਲਾ, 19 ਸਤੰਬਰ
ਐਸ.ਪੀ ਅੰਬਾਲਾ ਜਸ਼ਨਦੀਪ ਸਿੰਘ ਰੰਧਾਵਾ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਸੀਆਈਏ ਸ਼ਾਹਜ਼ਾਦਪੁਰ ਵੱਲੋਂ ਸਵਾ ਕਰੋੜ ਰੁਪਏ ਮੁੱਲ ਦੀ 263 ਗਰਾਮ ਹੇਰੋਇਨ ਸਮੇਤ ਫੜੇ ਗਏ ਤਸਕਰ ਸਰਦੇਹੜੀ ਨਿਵਾਸੀ ਸੁਖਦੇਵ ਸਿੰਘ ਉਰਫ਼ ਸੁੱਖਾ ਨੇ ਤਿੰਨ ਦਿਨਾ ਰਿਮਾਂਡ ਦੌਰਾਨ ਕਈ ਖ਼ੁਲਾਸੇ ਕੀਤੇ ਹਨ ਅਤੇ ਪੁਲੀਸ ਜਲਦੀ ਹੀ ਪੂਰੀ ਚੇਨ ਬਾਰੇ ਅਹਿਮ ਜਾਣਕਾਰੀ ਸਾਂਝੀ ਕਰੇਗੀ। ਉਨ੍ਹਾਂ ਕਿਹਾ ਕਿ ਪੁਲੀਸ ਇਸ ਚੇਨ ਦਾ ਪਤਾ ਕਰ ਰਹੀ ਹੈ ਕਿ ਮੁਲਜ਼ਮ ਅੰਬਾਲਾ ਏਰੀਆ ਵਿਚ ਕਿਥੇ ਕਿਥੇ ਹੈਰੋਇਨ ਸਪਲਾਈ ਕਰਦਾ ਸੀ। ਇਸ ਤੋਂ ਬਿਨਾ ਪੁਲੀਸ ਦਾ ਫੋਕਸ ਮੁੱਖ ਸਪਲਾਇਰ ’ਤੇ ਹੈ। ਉਮੀਦ ਹੈ ਕਿ ਮੁੱਖ ਸਪਲਾਇਰ ਵੀ ਜਲਦੀ ਪੁਲੀਸ ਦੀ ਗ੍ਰਿਫ਼ਤ ਵਿਚ ਹੋਵੇਗਾ।
