ਕਾਲਾਂਵਾਲੀ (ਪੱਤਰ ਪ੍ਰੇਰਕ): ਕਾਲਾਂਵਾਲੀ ਦੇ ਸਾਬਕਾ ਵਿਧਾਇਕ ਅਤੇ ਭਾਜਪਾ ਦੇ ਹਲਕਾ ਪ੍ਰਤੀਨਿਧੀ ਬਲਕੌਰ ਸਿੰਘ ਨੇ ਪਾਰਟੀ ਦੇ ਸਹਿਯੋਗ ਨਾਲ ਕਾਲਾਂਵਾਲੀ ਦੇ ਸਿਵਲ ਹਸਪਤਾਲ ਵਿੱਚ ਦੋ ਆਕਸੀਜਨ ਕੰਸਨਟ੍ਰੇਟਰ ਭੇਟ ਕੀਤੇ। ਉਨਾਂ ਕਿਹਾ ਕਿ ਕਾਲਾਂਵਾਲੀ ਦੇ ਸਿਵਲ ਹਸਪਤਾਲ ਵਿੱਚ ਛੇ ਬੈਡਾਂ ਦਾ ਕੋਵਿਡ ਕੇਅਰ ਸੈਂਟਰ ਬਣਾਇਆ ਗਿਆ ਹੈ ਤਾਂ ਕਿ ਕਾਲਾਂਵਾਲੀ ਅਤੇ ਆਸਪਾਸ ਦੇ ਪਿੰਡਾਂ ਦੇ ਲੋਕਾਂ ਨੂੰ ਸਿਹਤ ਸਹੂਲਤ ਮਿਲ ਸਕੇ। ਕੋਵਿਡ ਕੇਅਰ ਸੇਂਟਰ ਵਿੱਚ ਛੇ ਆਕਸੀਜਨ ਕੰਸਨਟਰੇਟਰ ਵੀ ਲਗਾਏ ਗਏ ਹਨ। ਇਸ ਮੌਕੇ ਉੱਤੇ ਭਾਜਪਾ ਕਾਲਾਂਵਾਲੀ ਦੇ ਪ੍ਰਧਾਨ ਰਾਜੂ ਸੋਨੀ, ਮੋਹਨ ਲਾਲ ਜਿੰਦਲ, ਨਿਗਰਾਨੀ ਕਮੇਟੀ ਦੇ ਚੇਅਰਮੈਨ ਨਰੇਸ਼ ਗਰਗ, ਗੁਰਸੇਵਕ ਸਿੰਘ, ਸ਼ੰਟੀ ਸਿੰਘ, ਡਾ. ਭੂਸ਼ਨ ਗਰਗ, ਡਾ. ਰਵੀ ਕੁਮਾਰ ਤੇ ਡਾ. ਅਜੀਤ ਕੁਮਾਰ ਆਦਿ ਮੌਜੂਦ ਸਨ।
ਸਬੰਧਿਤ ਖ਼ਬਰਾਂ
