ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 9 ਨਵੰਬਰ
ਇਥੇ ਭਾਰਤੀ ਖੇਡ ਅਥਾਰਿਟੀ ਕੁਰੂਕਸ਼ੇਤਰ ਇਕਾਈ ਦੀ ਵਾਲੀਵਾਲ ਟੀਮ ਨੇ ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਵਿੱਚ ਵੱਖ-ਵੱਖ ਸੂਬਿਆਂ ਦੀਆਂ 17 ਟੀਮਾਂ ਨੂੰ ਹਰਾ ਕੇ ਗੋਲਡ ਮੈਡਲ ਜਿੱਤਿਆ ਹੈ। ਟੀਮ ਦੇ ਵਧੀਆ ਪ੍ਰਦਰਸ਼ਨ ਕਰ ਕੇ ਹੋਰ ਟੀਮਾਂ ਨੂੰ ਹਾਰ ਦਾ ਮੂੰਹ ਦੇਖਣਾ ਪਿਆ। ਟੀਮ ਦੇ ਕੁਰੂਕਸ਼ੇਤਰ ਪੁੱਜਣ ’ਤੇ ਸਾਈਂ ਦੇ ਇੰਚਾਰਜ ਕੁਲਦੀਪ ਸਿੰਘ ਵੜੈਚ, ਸੀਨੀਅਰ ਕੋਚ ਸਤਪਾਾਲ ਸਿੰਘ ਸੇਵਾ ਮੁਕਤ ਕੋਚ ਗੁਰਵਿੰਦਰ ਸਿੰਘ, ਸੋਹਨ ਲਾਲ, ਅਰੁਣ ਆਦਿ ਨੇ ਵਾਲੀਵਾਲ ਕੋਚ ਤੇ ਟੀਮ ਦੇ ਸਾਰੇ ਮੈਂਬਰਾਂ ਦਾ ਭਰਵਾਂ ਸੁਆਗਤ ਕੀਤਾ। ਸਾਈਂ ਦੇ ਇੰਚਾਰਜ ਕੁਲਦੀਪ ਵੜੈਚ ਨੇ ਕਿਹਾ ਕਿ ਵਾਲੀਬਾਲ ਟੀਮ ਵਧੀਆ ਪ੍ਰਦਰਸ਼ਨ ਕਰ ਰਹੀ ਹੈ ਤੇ ਟੀਮ ਦੇ ਖਿਡਾਰੀ ਅਮਨ ਕੁਮਾਰ ਨੇ ਅਜੇ ਹਾਲ ਹੀ ਵਿਚ ਜੂਨੀਅਰ ਵਰਲਡ ਕਪ ਵਿੱਚ ਭਾਰਤੀ ਵਾਲੀਵਾਲ ਟੀਮ ਦੀ ਅਗਵਾਈ ਕੀਤੀ ਸੀ।
