ਲੁਧਿਆਣਾ: ਲੁਧਿਆਣਾ ਸਹੋਦਿਆ ਸਕੂਲ ਕੰਪਲੈਕਸ ਸੈਂਟਰਲ ਜ਼ੋਨ ਅਥਲੈਟਿਕ ਮੀਟ ਵਿੱਚ ਆਦਰਸ਼ ਪਬਲਿਕ ਸਕੂਲ ਦੇ ਖਿਡਾਰੀਆਂ ਨੇ ਕਈ ਤਗਮੇ ਜਿੱਤੇ ਹਨ। ਇਹ ਅਥਲੈਟਿਕ ਮੀਟ ਸਥਾਨਕ ਜੀਐੱਮਟੀ ਇੰਟਰਨੈਸ਼ਨਲ ਸਕੂਲ ਵਿੱਚ 28 ਤੋਂ 29 ਅਕਤੂਬਰ ਤੱਕ ਕਰਵਾਈ ਗਈ। ਸਕੂਲ ਦੇ ਵਿਦਿਆਰਥੀਆਂ ਨੇ ਲੜਕੇ ਅਤੇ ਲੜਕੀਆਂ ਦੇ ਵੱਖ-ਵੱਖ ਖੇਡ ਮੁਕਾਬਲਿਆਂ ਵਿੱਚ ਹਿੱਸਾ ਲਿਆ। ਸਕੂਲ ਦੀ ਵਿਦਿਆਰਥੀ ਮਾਨਵੀ ਨੇ ਲੰਮੀ ਛਾਲ ਵਿੱਚ ਚਾਂਦੀ, ਨੈਨਸੀ ਨੇ ਸ਼ਾਟਪੁੱਟ ਵਿੱਚ ਚਾਂਦੀ ਜਦਕਿ ਏਕਮਜੋਤ ਸਿੰਘ ਨੇ ਸ਼ਾਟਪੁੱਟ ਵਿੱਚ ਸੋਨੇ ਦਾ ਤਗ਼ਮਾ ਜਿੱਤਿਆ। ਪ੍ਰਿੰਸੀਪਲ ਅੰਮ੍ਰਿਤਾ ਬਾਂਸਲ ਅਤੇ ਕੋ-ਆਰਡੀਨੇਟਰ ਸੁਨੀਤਾ ਅਰੋੜਾ ਨੇ ਜੇਤੂ ਖਿਡਾਰੀਆਂ ਅਤੇ ਉਨ੍ਹਾਂ ਦੇ ਕੋਚ ਉਮੇਸ਼ ਕੁਮਾਰ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ। -ਖੇਤਰੀ ਪ੍ਰਤੀਨਿਧ
ਅਥਲੈਟਿਕ ਮੀਟ ਵਿੱਚੋਂ ਤਗ਼ਮੇ ਜਿੱਤਣ ਵਾਲੇ ਆਦਰਸ਼ ਸਕੂਲ ਦੇ ਖਿਡਾਰੀ। -ਫੋਟੋ: ਬਸਰਾ
ਸਬੰਧਿਤ ਖ਼ਬਰਾਂ
