ਖੰਨਾ: ਇਥੋਂ ਦੇ ਸਰਕਾਰੀ ਕੰਨਿਆ ਸਕੂਲ ਵਿੱਚ ਬਾਬਾ ਬੰਦਾ ਸਿੰਘ ਬਹਾਦਰ ਬਾਕਸਿੰਗ ਵੈਲਫੇਅਰ ਕਲੱਬ ਨੇ ਰਾਜ ਸਭਾ ਮੈਂਬਰ ਸਮਸ਼ੇਰ ਸਿੰਘ ਦੂਲੋਂ ਵੱਲੋਂ ਦਿੱਤੀ ਗਈ 5 ਲੱਖ ਰੁਪਏ ਦੀ ਮਾਲੀ ਸਹਾਇਤਾ ਨਾਲ ਨਵਾਂ ਬਾਕਸਿੰਗ ਰਿੰਗ ਲਿਆਂਦਾ। ਇਸ ਮੌਕੇ ਕਲੱਬ ਮੈਬਰਾਂ ਨੇ ਦੂਲੋਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਬਾਕਸਿੰਗ ਰਿੰਗ ਦੇ ਆਉਣ ਨਾਲ ਬੱਚਿਆਂ ਦੇ ਹੌਸਲੇ ਬੁਲੰਦ ਹੋਣਗੇ ਅਤੇ ਚੰਗਾ ਅਭਿਆਸ ਕੀਤਾ ਜਾਵੇਗਾ। ਕੋਚ ਲਾਭ ਸਿੰਘ ਅਤੇ ਦੀਪਕ ਕੁਮਾਰ ਨੇ ਕਿਹਾ ਕਿ ਇਸ ਨਾਲ ਖੰਨਾ ਦੀ ਬਾਕਸਿੰਗ ਟੀਮ ਫਿਰ ਤੋਂ ਮੈਡਲ ਜਿੱਤ ਕੇ ਲਿਆਉਣ ਵਿਚ ਸਮਰੱਥ ਹੋਵੇਗੀ ਅਤੇ ਖੇਡਾਂ ਵਿਚ ਨਿਖਾਰ ਆਵੇਗਾ। ਇਸ ਮੌਕੇ ਪਵਨ ਗਰਗ, ਸੰਜੇ ਕੁਮਾਰ, ਮਨੀਸ਼ ਕੁਮਾਰ, ਪ੍ਰਿੰਸੀਪਲ ਸੰਜੇ ਸ਼ਾਰਦਾ, ਅਜੀਤ ਖੰਨਾ ਆਦਿ ਹਾਜ਼ਰ ਸਨ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
