ਗੁਰਦੀਪ ਸਿੰਘ ਟੱਕਰ
ਮਾਛੀਵਾੜਾ, 2 ਮਈ
ਸਥਾਨਕ ਨਗਰ ਕੌਂਸਲ ਦੇ ਸਫ਼ਾਈ ਕਰਮਚਾਰੀ ਦੋਫ਼ਾੜ ਹੋਏ ਦਿਖਾਈ ਦੇ ਰਹੇ ਹਨ ਅਤੇ ਕੁਝ ਦਿਨ ਪਹਿਲਾਂ ਹੀ ਇੱਕ ਧੜੇ ਵੱਲੋਂ ਆਪਣੀ ਯੂਨੀਅਨ ਬਣਾਈ ਗਈ ਸੀ ਅਤੇ ਅੱਜ ਵੱਖ ਹੋਏ ਧੜੇ ਵਲੋਂ ਵੀ ਆਪਣੀ ਯੂਨੀਅਨ ਦਾ ਐਲਾਨ ਕਰ ਦਿੱਤਾ ਗਿਆ। ਅੱਜ ਸਫ਼ਾਈ ਕਰਮਚਾਰੀਆਂ ਦੀ ਹੋਈ ਮੀਟਿੰਗ ਵਿਚ ਸਭ ਤੋਂ ਪਹਿਲਾਂ ਯੂਨੀਅਨ ਦੇ ਸਾਬਕਾ ਪ੍ਰਧਾਨ ਸਵਰਗੀ ਸੁਖਵਿੰਦਰ ਸਿੰਘ ਸੁੱਖੀ ਨੂੰ ਯਾਦ ਕਰਦਿਆਂ ਉਨ੍ਹਾਂ ਵੱਲੋਂ ਦਿੱਤੀਆਂ ਸੇਵਾਵਾਂ ਦੀ ਸ਼ਲਾਘਾ ਕੀਤੀ ਗਈ। ਮੀਟਿੰਗ ਵਿਚ ਸ਼ਾਮਲ ਸਫ਼ਾਈ ਕਰਮਚਾਰੀਆਂ ਵਲੋਂ ਸਰਬਸੰਮਤੀ ਨਾਲ ਸਮਸ਼ੇਰ ਸਿੰਘ ਨੂੰ ਪ੍ਰਧਾਨ, ਮੰਗਤ ਰਾਏ ਉਪ ਪ੍ਰਧਾਨ ਅਤੇ ਗਗਨਦੀਪ ਨੂੰ ਖਜ਼ਾਨਚੀ ਚੁਣ ਲਿਆ ਗਿਆ। ਇਸ ਮੌਕੇ ਸੈਨੇਟਰੀ ਇੰਸਪੈਕਟਰ ਜਸਪਾਲ ਸਿੰਘ, ਰੁਪਿੰਦਰ ਸਿੰਘ ਕਲਰਕ, ਸੰਜੀਵ ਪਾਮੇ, ਸਤਪਾਲ ਪਾਮੇ, ਅੰਮ੍ਰਿਤਪਾਲ, ਪਵਨ ਕੁਮਾਰ, ਦੇਵਕੀ ਨੰਦਨ, ਸਰਬਜੀਤ ਸਿੰਘ, ਅਰਜਨ ਸਿੰਘ, ਪ੍ਰੇਮ ਬਹਾਦਰ, ਪਾਲੀ ਪਹਿਲਵਾਲ, ਜੀਵਨ ਰਾਮ, ਸੰਜੀਵ ਕੁਮਾਰ ਬੱਗਣ, ਕੁਲਦੀਪ ਸਿੰਘ, ਸੁਖਦਰਸ਼ਨ ਸਿੰਘ, ਇੰਦਰਜੀਤ ਸਿੰਘ, ਮਨਪ੍ਰੀਤ ਸਿੰਘ, ਦਰਸ਼ਨ ਲਾਲ, ਪਾਰਸ ਬਾਲੀ, ਗੌਰਵ ਬਾਲੀ, ਦੀਪਕ ਕੁਮਾਰ, ਦੀਪਕ ਕੁਮਾਰ ਮਾਲੇਰਕੋਟਲਾ, ਗੁਰਪ੍ਰੀਤ ਸਿੰਘ, ਬਿੰਦਰ ਸਿੰਘ, ਸਤਨਾਮ ਸਿੰਘ, ਕ੍ਰਿਸ਼ਨ ਪਾਲ, ਨੀਰੂ, ਕਵਿਤਾ, ਸੀਮਾ ਰਾਣੀ, ਭੀਮਾ ਰਾਣੀ, ਮਮਤਾ, ਨੀਲਮ ਰਾਣੀ ਆਦਿ ਵੀ ਮੌਜੂਦ ਸਨ।
