ਨਿੱਜੀ ਪੱਤਰ ਪ੍ਰੇਰਕ
ਜਗਰਾਉਂ, 6 ਫਰਵਰੀ
ਇੱਥੋਂ ਦੇ ਵਾਰਡ ਨੰਬਰ ਇਕ ’ਚ ਕਾਂਗਰਸ ਦੇ ਉਮੀਦਵਾਰ ਜਗਤਾਰ ਸਿੰਘ ਜੱਗਾ ਹਿੱਸੋਵਾਲ ਦੇ ਹੱਕ ’ਚ ਚੋਣ ਜਲਸਾ ਕਰਵਾਇਆ ਗਿਆ। ਵਾਰਡ ਕੌਂਸਲਰ ਗਗਨਦੀਪ ਕੌਰ ਅਤੇ ਯੂਥ ਆਗੂ ਸਤਿੰਦਰਜੀਤ ਸਿੰਘ ਤੱਤਲਾ ਵੱਲੋਂ ਰੱਖੇ ਜਲਸੇ ’ਚ ਪਹੁੰਚੇ ਜ਼ਿਲ੍ਹਾ ਕਾਂਗਰਸ ਦਿਹਾਤੀ ਪ੍ਰਧਾਨ ਕਰਨਜੀਤ ਸਿੰਘ ਸੋਨੀ ਗ਼ਾਲਬਿ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਦਾ ਲੋਕ-ਪੱਖੀ ਚੋਣ ਮੈਨੀਫੈਸਟੋ ਇਕ-ਦੋ ਦਿਨਾਂ ਅੰਦਰ ਆ ਜਾਵੇਗਾ। ਇਹ ਗ਼ਰੀਬ ਤਬਕੇ, ਨੌਜਵਾਨ ਪੀੜ੍ਹੀ, ਬਜ਼ੁਰਗਾਂ ਸਣੇ ਹਰ ਵਰਗ ਦੇ ਲੋਕਾਂ ਨੂੰ ਸਹੂਲਤਾਂ ਦੇਣ ਵਾਲਾ ਹੋਵੇਗਾ। ਉਮੀਦਵਾਰ ਜੱਗਾ ਹਿੱਸੋਵਾਲ ਨੇ ਕਿਹਾ ਕਿ ਅੱਜ ਦੇ ਇਕੱਠ ਤੋਂ ਪਤਾ ਲੱਗਦਾ ਕਿ ਹਲਕੇ ਦੇ ਲੋਕ ਕਾਂਗਰਸ ਪਾਰਟੀ ਨੂੰ ਕਿੰਨਾ ਪਿਆਰ ਕਰਦੇ ਹਨ। ਇਸ ਸਮੇਂ ਨਗਰ ਕੌਂਸਲ ਪ੍ਰਧਾਨ ਜਤਿੰਦਰਪਾਲ ਰਾਣਾ, ਬਲਾਕ ਪ੍ਰਧਾਨ ਰਵਿੰਦਰ ਸਭਰਵਾਲ, ਰਾਜੇਸ਼ਇੰਦਰ ਸਿੱਧੂ, ਮਨਜਿੰਦਰ ਸਿੰਘ ਡੱਲਾ ਆਦਿ ਮੌਜੂਦ ਸਨ। ਇਸ ਤੋਂ ਬਾਅਦ ਵਾਰਡ ਨੰਬਰ 9 ’ਚ ਕੌਂਸਲਰ ਵਿਕਰਮ ਜੱਸੀ ਅਤੇ ਵਾਰਡ ਨੰਬਰ 12 ’ਚ ਕੌਂਸਲਰ ਹਿਮਾਂਸ਼ੂ ਮਲਿਕ ਨੇ ਚੋਣ ਜਲਸਾ ਕਰਵਾਇਆ।
