ਪੱਤਰ ਪ੍ਰੇਰਕ
ਦੋਰਾਹਾ, 26 ਨਵੰਬਰ
ਪੀਏਡੀਬੀ ਪ੍ਰਬੰਧਕ ਕਮੇਟੀ ਦੀ ਚੋਣ ਰਿਟਰਨਿੰਗ ਅਫ਼ਸਰ ਹਰਜੀਤ ਸਿੰਘ ਅਤੇ ਸੰਦੀਪ ਕੌਰ ਦੀ ਅਗਵਾਈ ਹੇਠਾਂ ਕਰਵਾਈ ਗਈ। ਇਸ ਵਿਚ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਸਾਰੇ 9 ਜ਼ੋਨਾਂ ਤੋਂ ਨਿਰਵਿਰੋਧ ਚੁਣੇ ਗਏ। ਇਸ ਮੌਕੇ ਬੋਲਦਿਆਂ ਬਰਜਿੰਦਰ ਸਿੰਘ ਨੇ ਕਿਹਾ ਕਿ ਅਕਾਲੀ ਦਲ ਵੱਲੋਂ 7 ਜ਼ੋਨਾਂ ਤੋਂ ਵੱਖ ਵੱਖ ਉਮੀਦਵਾਰਾਂ ਨੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ ਗਏ, ਪਰ ਇਸ ਧਿਰ 6 ਉਮੀਦਵਾਰਾਂ ਦਾ ਬੈਂਕ ਨਾਲ ਕੋਈ ਵੀ ਲੈਣ ਦੇਣ ਨਹੀਂ ਚੱਲ ਰਿਹਾ, ਜਿਸ ਕਾਰਨ ਚੋਣ ਅਨੁਸਾਰ ਐਕਟਿਵ ਮੈਂਬਰ ਨਹੀਂ ਮੰਨੇ ਜਾ ਸਕਦੇ ਸਨ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਉਮੀਦਵਾਰਾਂ ਦੇ ਨਾਮਜ਼ਦਗੀ ਪੱਤਰ ਰੱਦ ਹੋ ਗਏ। ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਧਿਰ ਵੱਲੋਂ ਜ਼ੋਨ ਰਾਮਪੁਰ ਤੋਂ ਗੁਲਜ਼ਾਰ ਸਿੰਘ, ਕੱਦੋਂ ਤੋਂ ਦਿਲਬਾਗ ਸਿੰਘ, ਬੁਆਣੀ ਤੋਂ ਕਰਮਜੀਤ ਸਿੰਘ, ਘੁਡਾਣੀ ਕਲਾਂ ਤੋਂ ਛੱਜਵੀਰ ਸਿੰਘ, ਧਮੋਟ ਕਲਾ ਤੋਂ ਤਪਿੰਦਰ ਸਿੰਘ ਗਿੱਲ, ਅਲੂਣਾ ਤੋਲਾ ਤੋਂ ਆਸ਼ਾ ਰਾਣੀ, ਸਿਹੋੜਾ ਤੋਂ ਬਲਦੇਵ ਸਿੰਘ, ਪਾਇਲ ਤੋਂ ਹਰਮੀਤ ਕੌਰ ਅਤੇ ਰੌਣੀ ਤੋਂ ਅਮਨਦੀਪ ਕੌਰ ਨੇ ਨਾਮਜ਼ਦਗੀ ਪੱਤਰ ਦਾਖਲ ਕੀਤੇ, ਜੋ ਬਿਨਾਂ ਮੁਕਾਬਲਾ ਜਿੱਤਣ ਵਿਚ ਸਫ਼ਲ ਰਹੇ। ਇਸ ਮੌਕੇ ਵਿਧਾਇਕ ਲਖਵੀਰ ਸਿੰਘ ਲੱਖਾ ਨੇ ਬੈਂਕ ਚੋਣ ਜਿੱਤਣ ਵਾਲੇ ਉਮੀਦਵਾਰਾਂ ਦਾ ਸਨਮਾਨ ਕੀਤਾ।
