ਜਗਰਾਉਂ: ਸ਼ਹਿਰ ਦੇ ਉੱਭਰ ਰਹੇ ਲੋਕ ਗਾਇਕ ਕਰਨਜੋਤ ਸਿੰਘ (25) ਵਾਸੀ ਗਲੀ ਨੰਬਰ 6 ਕਰਨੈਲ ਗੇਟ ਦੀ ਮੌਤ ਹੋ ਗਈ। ਮ੍ਰਿਤਕ ਦਾ ਸ਼ਾਮ ਨੂੰ ਸ਼ੇਰਪੁਰ ਰੋਡ ਸ਼ਮਸ਼ਾਨ ਘਾਟ ਵਿੱਚ ਸਸਕਾਰ ਕੀਤਾ ਗਿਆ। ਪਰਿਵਾਰ ਦੇ ਨਜ਼ਦੀਕੀ ਨਛੱਤਰ ਸਿੰਘ ਨੇ ਦੱਸਿਆ ਕਿ ਕਰਨਜੋਤ ਨੂੰ ਕਰੀਬ ਪੰਜ ਦਿਨ ਪਹਿਲਾਂ ਸਾਹ ਦੀ ਤਕਲੀਫ ਹੋਈ ਅਤੇ ਸਥਾਨਕ ਜੈਨ ਹਸਪਤਾਲ ਲਿਜਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਉਸ ਦੇ ਸਰੀਰ ਵਿੱਚ ਨਮਕ ਅਤੇ ਪਾਣੀ ਦਾ ਪੱਧਰ ਲਗਤਾਰ ਘੱਟ ਰਿਹਾ ਸੀ ਤੇ ਹਸਪਤਾਲ ਵਿੱਚ ਜ਼ੇਰੇ ਇਲਾਜ ਉਸ ਦੀ ਆਕਸੀਜਨ ਵੀ ਘੱਟਣ ਲੱਗੀ ਤੇ ਉਸ ਦੀ ਮੌਤ ਹੋ ਗਈ। ਗਾਉਣ ਦੇ ਸ਼ੌਕੀਨ ਇਸ ਨੌਜਵਾਨ ਦਾ ਥੋੜ੍ਹੇ ਸਮਾਂ ਪਹਿਲਾਂ ਹੀ ਸਿੰਗਲ ਟਰੈਕ ਆਇਆ ਸੀ। ਕਰੋਨਾ ਨਾਲ ਹੋਈ ਮੌਤ ਸਬੰਧੀ ਪਰਿਵਾਰ ਨੇ ਸਪੱਸ਼ਟ ਕੀਤਾ ਕਿ ਉਸ ਨੂੰ ਹੋਰ ਬਿਮਾਰੀ ਸੀ ਨਾ ਕਿ ਉਹ ਕਰੋਨਾ ਤੋਂ ਪੀੜਤ ਸੀ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
