ਜਗਰਾਉਂ: ਨੇੜਲੇ ਪਿੰਡ ਪੱਤੀ ਜਗਰਾਉਂ ਮਲਕ ਵਿੱਚ ਬੀਤੇ ਕੱਲ ਦੇਰ ਸ਼ਾਮ ਨੂੰ ਸ਼ਮਸਾਨਘਾਟ ਵਿੱਚ ਸਸਕਾਰ ਕਰਨ ਲਈ ਲਗਾਈ ਗਈ ਭੱਠੀ ਵਿੱਚ ਸਸਕਾਰ ਵੇਲੇ ਧਮਾਕਾ ਹੋਣ ਨਾਲ 10 ਵਿਅਕਤੀ ਜ਼ਖਮੀ ਹੋ ਗਏ। ਘਟਨਾ ਦੇ ਚਸ਼ਮਦੀਦ ਸਰਵਜੀਤ ਸਿੰਘ ਰੀਹਲ ਨੇ ਦੱਸਿਆ ਕਿ ਪਿੰਡ ਮਲਕ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਸ਼ਮਸ਼ਾਨਘਾਟ ਵਿੱਚ ਜਦੋਂ ਮ੍ਰਿਤਕ ਸਰੀਰ ਨੂੰ ਗੈਸ ਵਾਲੀ ਭੱਠੀ ਵਿੱਚ ਟਰਾਲੀ ਉਪਰ ਪਾ ਕੇ ਅੰਦਰ ਕੀਤਾ ਤਾਂ ਧਮਾਕਾ ਹੋਇਆ ਅਤੇ ਆਲੇ ਦੁਆਲੇ ਖੜੇ ਕਰੀਬ 10 ਵਿਅਕਤੀਆਂ ਨੂੰ ਅੱਗ ਨੇ ਆਪਣੀ ਲਪੇਟ’ਚ ਲੈ ਲਿਆ। ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਭੱਠੀ ਦੇ ਉੱਪਰ ਚਿਮਨੀ ਤੱਕ ਉੱਡ ਗਈ। ਸਰਵਜੀਤ ਸਿੰਘ, ਦਿਆ ਸਿੰਘ, ਗੁਰਜੰਟ ਸਿੰਘ, ਸ਼ਿੰਦਰ ਸਿੰਘ, ਜਰਨੈਲ ਸਿੰਘ ਜ਼ਖਮੀ ਹੋ ਗਏ। ਜ਼ਖਮੀਆਂ ਨੂੰ ਨਿੱਜੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ। ਘਟਨਾਂ ਵਾਪਰਨ ਤੋ ਬਾਅਦ ਸਸਕਾਰ ਲੱਕੜਾਂ ਨਾਲ ਕੀਤਾ ਗਿਆ।-ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
