ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 29 ਜੂਨ
ਡਿਵੀਜ਼ਨ ਨੰਬਰ ਛੇ ਦੀ ਪੁਲੀਸ ਨੇ ਪ੍ਰਤਾਪ ਚੌਕ ਕੋਲ ਸੱਟਾ ਲਗਾ ਰਹੇ ਸਚਿਨ ਦੂਬੇ ਵਾਸੀ ਹਰਬੰਸ ਕਾਲੋਨੀ ਢੰਡਾਰੀ ਕਲਾਂ ਨੂੰ ਕਾਬੂ ਕਰ ਕੇ ਉਸ ਕੋਲੋਂ 2250 ਰੁਪਏ ਬਰਾਮਦ ਕੀਤੇ। ਇਸੇ ਤਰ੍ਹਾਂ ਥਾਣਾ ਹੈਬੋਵਾਲ ਦੀ ਪੁਲੀਸ ਨੇ ਲਕਸ਼ਮੀ ਨਗਰ ਸਥਿਤ ਇਕ ਦੁਕਾਨ ਬਾਹਰ ਸੱਟਾ ਲਗਾਉਂਦਿਆਂ ਚੰਦਰ ਨਗਰ ਵਾਸੀ ਰੌਕੀ ਅਤੇ ਲਲਿਤ ਸੋਨੀ ਨੂੰ ਕਾਬੂ ਕਰ ਕੇ 4230 ਰੁਪਏ ਬਰਾਮਦ ਕੀਤੇ। ਥਾਣਾ ਡਿਵੀਜ਼ਨ ਨੰਬਰ ਪੰਜ ਦੀ ਪੁਲੀਸ ਨੇ ਸੱਟਾ ਲਗਾਉਂਦਿਆਂ ਲਾਜਪਤ ਨਗਰ ਵਾਸੀ ਸੁਨੀਲ ਕੁਮਾਰ ਅਤੇ ਉਸ ਦੇ ਭਰਾ ਪ੍ਰਵੀਨ ਕੁਮਾਰ ਨੂੰ ਗ੍ਰਿਫ਼ਤਾਰ ਕਰਕੇ 16 ਹਜ਼ਾਰ 180 ਰੁਪਏ ਅਤੇ ਦੜਾ ਸੱਟੇ ਦੀਆਂ ਪਰਚੀਆਂ ਬਰਾਮਦ ਕੀਤੀਆਂ।
