ਲੁਧਿਆਣਾ: ਪੰਜਾਬੀ ਵਿਰਸੇ ਅਤੇ ਪਹਿਰਾਵੇ ਦੀ ਪਛਾਣ ਕਰਾਉਣ ਦੀ ਸੇਧ ਨਾਲ ਇੰਡੀਅਨ ਫੋਕ ਡਾਂਸ ਅਕੈਡਮੀ, ਮਲੋਟ ਦੇ ਸਹਿਯੋਗ ਨਾਲ ਮਿਸ ਅਤੇ ਮਿਸਿਜ਼ ਪੰਜਾਬਣ-21 ਦੇ ਸਿਲਵਰ ਸਪੂਨ ਵਿੱਚ ਆਡੀਸ਼ਨ ਕਰਵਾਏ ਗਏ। ਇਸ ਮੌਕੇ ਸ਼ਾਇਰਾ ਡਾ. ਗੁਰਚਰਨ ਕੌਰ ਕੌਚਰ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ ਜਦਕਿ ਵਿਸ਼ੇਸ਼ ਮਹਿਮਾਨ ਵਜੋਂ ਕਰਨਵੀਰ ਸਿੰਘ, ਸਰਬਜੀਤ ਸਿੰਘ ਵਿਰਦੀ, ਰਮਨਪ੍ਰੀਤ ਕੌਰ, ਕੀਮਤੀ ਰਾਵਲ, ਅਮਰਜੀਤ ਰਾਵਲ ਤੇ ਮਿਸ ਪੰਜਾਬਣ ਅਰਸ਼ਪ੍ਰੀਤ ਕੌਰ ਧਾਲੀਵਾਲ ਨੇ ਸ਼ਿਰਕਤ ਕੀਤੀ। ਇਸ ਮੌਕੇ ਪ੍ਰਬੰਧਕ ਮਨਵੀਰ ਕੌਰ ਸੰਧੂ, ਸੁਰਿੰਦਰ ਕੌਰ ਅਤੇ ਇੰਡੀਅਨ ਫੋਕ ਅਕੈਡਮੀ ਦੇ ਸੁਸ਼ੀਲ ਕੁਮਾਰ ਸਮੇਤ ਸਤਬੀਰ ਸਿੰਘ ਵੀ ਹਾਜ਼ਰ ਸਨ। ਹਿੱਸਾ ਲੈਣ ਵਾਲੀਆਂ ਧੀਆਂ ਨੂੰ ਟਰਾਫੀਆਂ ਅਤੇ ਸਨਮਾਨ ਚਿੰਨ੍ਹ ਦਿੱਤੇ ਗਏ। ਪ੍ਰਬੰਧਕਾਂ ਅਨੁਸਾਰ ਇਸ ਦਾ ਫਾਈਨਲ ਮੁਕਾਬਲਾ ਅਕਤੂਬਰ ਮਹੀਨੇ ਮਲੋਟ ’ਚ ਰੱਖਿਆ ਗਿਆ। -ਖੇਤਰੀ ਪ੍ਰਤੀਨਿਧ
ਸਬੰਧਿਤ ਖ਼ਬਰਾਂ
