ਕੁੱਪ ਕਲਾਂ: ਹਲਕਾ ਅਮਰਗੜ੍ਹ ਤੋਂ ਕਾਂਗਰਸ ਦੇ ਉਮੀਦਵਾਰ ਸਮਿਤ ਸਿੰਘ ਮਾਨ ਨੇ ਚੋਣ ਪ੍ਰਚਾਰ ਲਈ ਰੋਹਣੋ, ਭੋਗੀਵਾਲ, ਅਮੀਰ ਨਗਰ ਦੁੱਲਵਾਂ, ਗੌਂਸਪੁਰਾ, ਮਤੋਈ, ਅਜੀਮਾਬਾਦ, ਇਬਰਾਹਮਪੁਰਾ, ਬੋਹੜਾਈ ਕਲਾਂ, ਜੰਡਾਲੀ ਕਲਾਂ, ਜੰਡਾਲੀ ਖੁਰਦ ਅਤੇ ਰੋਹੀੜਾ ਪਿੰਡਾਂ ਵਿਚ ਜਾ ਕੇ ਨੁੱਕੜ ਮੀਟਿੰਗਾਂ ਕੀਤੀਆਂ। ਪਿੰਡ ਭੋਗੀਵਾਲ ਵਿੱਚ ਪਿੰਡ ਵਾਸੀਆਂ ਦੇ ਭਰਵੇਂ ਇਕੱਠ ਦੌਰਾਨ ਉਨ੍ਹਾਂ ਕਿਹਾ ਕਿ ਇਹ ਚੋਣ ਉਨ੍ਹਾਂ ਲਈ ਸਿਰਫ਼ ਚੋਣ ਨਹੀਂ ਸਗੋਂ ਹੱਕ-ਸੱਚ ਦੀ ਲੜਾਈ ਹੈ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਆਮਦਨ ਨੂੰ ਵਧਾ ਕੇ ਇੱਥੇ ਵਸਦੇ ਹਰ ਵਰਗ ਦੇ ਸਰਬਪੱਖੀ ਵਿਕਾਸ ਉੱਪਰ ਲਗਾਉਣਾ ਉਨ੍ਹਾਂ ਦਾ ਮਕਸਦ ਹੈ। ਇਸ ਮੌਕੇ ਹਰਜਿੰਦਰ ਸਿੰਘ ਕਾਕਾ ਚੇਅਰਮੈਨ, ਰਾਜਵਿੰਦਰ ਸਿੰਘ ਸਰਪੰਚ, ਹਮਦਰਦ ਭੱਪਾ, ਜੰਗ ਦੀਨ ਪ੍ਰਧਾਨ, ਹਰਦੀਪ ਸਿੰਘ ਦੀਪਾ ਪੰਚ ਤੇ ਹਰਸ਼ਪਿੰਦਰ ਸਿੰਘ ਭੂਰੀਆਂ ਹਾਜ਼ਰ ਸਨ। – ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
