ਲੁਧਿਆਣਾ (ਨਿੱਜੀ ਪੱਤਰ ਪ੍ਰੇਰਕ): ਵੱਖ-ਵੱਖ ਇਲਾਕਿਆਂ ਵਿੱਚ ਹਥਿਆਰਬੰਦ ਵਿਅਕਤੀ ਦੋ ਜਣਿਆਂ ਨੂੰ ਹਥਿਆਰ ਦਿਖਾ ਕੇ ਸਕੂਟਰੀ ਅਤੇ ਨਕਦੀ ਲੁੱਟ ਕੇ ਲੈ ਗਏ ਹਨ। ਥਾਣਾ ਸ਼ਿਮਲਾਪੁਰੀ ਦੀ ਪੁਲੀਸ ਨੂੰ ਨਿਊ ਜਨਤਾ ਨਗਰ ਵਾਸੀ ਸਾਹਿਲ ਅਰੋੜਾ ਨੇ ਦੱਸਿਆ ਕਿ ਉਹ ਸਵੇਰੇ ਡਾ. ਰਿਸ਼ਬ ਅਗਰਵਾਲ ਦੀ ਦੁਕਾਨ ਤੋਂ ਪੈਦਲ ਹੀ ਸ਼ਿਮਲਾਪੁਰੀ ਵੱਲ ਜਾ ਰਿਹਾ ਸੀ ਤਾਂ ਨਿਊ ਪੰਜਾਬ ਏਜੰਸੀ ਸ਼ਿਮਲਾਪੁਰੀ ਨੇੜੇ ਤਿੰਨ ਮੋਟਰਸਾਈਕਲ ਸਵਾਰ ਨੌਜਵਾਨਾਂ ਨੇ ਉਸ ਨੂੰ ਰੋਕ ਲਿਆ ਅਤੇ ਚਾਕੂਆਂ ਨਾਲ ਉਸ ’ਤੇ ਹਮਲਾ ਕਰ ਕੇ ਜਬਰੀ ਉਸ ਕੋਲੋਂ 1470 ਰੁਪਏ ਖੋਹ ਕੇ ਫ਼ਰਾਰ ਹੋ ਗਏ। ਜ਼ਖਮੀ ਹਾਲਤ ਵਿੱਚ ਉਸ ਨੂੰ ਸਿਵਲ ਹਸਪਤਾਲ ਦਾਖਲ ਕਰਾਇਆ ਗਿਆ। ਥਾਣਾ ਜਮਾਲਪੁਰ ਦੀ ਪੁਲੀਸ ਨੂੰ ਚਿੜੀ ਚੌਕ ਜਮਾਲਪੁਰ ਵਾਸੀ ਮਿਲਨ ਕੁਮਾਰ ਨੇ ਦੱਸਿਆ ਕਿ ਉਹ ਆਪਣੀ ਟੀਵੀਐਸ ਸਕੂਟਰੀ ’ਤੇ ਘਰ ਜਾ ਰਿਹਾ ਸੀ ਤਾਂ ਸਨਰਾਈਜ਼ ਡੇਅਰੀ ਕੋਲ ਦੋ ਨੌਜਵਾਨ ਤਲਵਾਰ ਦਿਖਾ ਕੇ ਉਸ ਦੀ ਸਕੂਟਰੀ ਖੋਹ ਕੇ ਫ਼ਰਾਰ ਹੋ ਗਏ।
ਸਬੰਧਿਤ ਖ਼ਬਰਾਂ
