ਗੁਰੂਸਰ ਸੁਧਾਰ
ਅਮਰੀਕਾ ਨਿਵਾਸੀ ਚਰਨਜੀਤ ਕੌਰ ਸੰਧੂ ਨੇ ਆਪਣੇ ਦਾਦਾ ਜਥੇਦਾਰ ਚੰਨਣ ਸਿੰਘ ਖੰਘੂੜਾ ਸਮੇਤ ਵਿੱਛੜ ਚੁੱਕੇ ਹੋਰ ਪਰਿਵਾਰਕ ਮੈਂਬਰਾਂ ਦੀ ਯਾਦ ਵਿੱਚ ਇੱਕ ਸ਼ਾਨਦਾਰ ਸ਼ੈੱਡ ਖੰਘੂੜਿਆਂ ਦੇ ਦਰਵਾਜ਼ੇ ਵਿੱਚ ਬਣਾ ਕੇ ਆਪਣੇ ਪੇਕੇ ਪਿੰਡ ਦੇ ਵਾਸੀਆਂ ਨੂੰ ਸਮਰਪਿਤ ਕੀਤਾ। ਕਰੀਬ ਡੇਢ ਲੱਖ ਰੁਪਏ ਦੀ ਲਾਗਤ ਨਾਲ ਬਣਾਏ ਇਸ ਸ਼ੈੱਡ ਉਦਘਾਟਨ ਕੀਤਾ ਗਿਆ। ਪਿੰਡ ਦੀ ਪੰਚਾਇਤ ਵੱਲੋਂ ਉਨ੍ਹਾਂ ਦੇ ਪੂਰੇ ਪਰਿਵਾਰ ਦਾ ਸਨਮਾਨ ਕੀਤਾ ਗਿਆ। ਸਰਪੰਚ ਲਖਵੀਰ ਸਿੰਘ, ਸਾਬਕਾ ਸਰਪੰਚ ਗੁਰਮੀਤ ਸਿੰਘ ਗਿੱਲ, ਮਾਸਟਰ ਕਿਰਪਾਲ ਸਿੰਘ, ਇੰਦਰਜੀਤ ਸਿੰਘ ਸਿੱਧੂ, ਸੁਖਵਿੰਦਰ ਸਿੰਘ ਫ਼ੌਜੀ, ਕੁਲਦੀਪ ਕੌਰ ਪੰਚ ਨੇ ਚਰਨਜੀਤ ਕੌਰ ਸੰਧੂ ਦੇ ਪਰਿਵਾਰ ਦਾ ਸਵਾਗਤ ਕੀਤਾ। -ਪੱਤਰ ਪ੍ਰੇਰਕ
