ਲੁਧਿਆਣਾ: ਇੱਥੇ ਦੇ ਫੋਕਲ ਪੁਆਇੰਟ ਦੇ ਸੁਰਜੀਤ ਨਗਰ ਇਲਾਕੇ ’ਚ ਤਿੰਨ ਸਾਲ ਦੀ ਬੱਚੀ ਖੇਡਦੇ ਹੋਏ ਕੋਠੇ ਤੋਂ ਥੱਲੇ ਡਿੱਗ ਗਈ। ਬੱਚੀ ਦੀ ਪਛਾਣ ਸੁਰਜੀਤ ਨਗਰ ਵਾਸੀ ਸਾਕਸ਼ੀ ਵਜੋਂ ਹੋਈ ਹੈ। ਥਾਣਾ ਫੋਕਲ ਪੁਆਇੰਟ ਦੀ ਪੁਲੀਸ ਨੇ ਮੌਕੇ ’ਤੇ ਪੁੱਜ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਬੱਚੀ ਦੇ ਪਿਤਾ ਵਿਜੈ ਕੁਮਾਰ ਨੇ ਦੱਸਿਆ ਕਿ ਉਸ ਦੀ ਤਿੰਨ ਸਾਲ ਦੀ ਬੱਚੀ ਸੋਮਵਾਰ ਦੀ ਸਵੇਰੇ ਘਰ ਦੇ ਕੋਠੇ ’ਤੇ ਖੇਡ ਰਹੀ ਸੀ। ਇਸੇ ਦੌਰਾਨ ਅਚਾਨਕ ਉਹ ਥੱਲੇ ਡਿੱਗ ਗਈ। ਗੁਆਂਢੀ ਉਸ ਨੂੰ ਹਸਪਤਾਲ ਲੈ ਗਏ ਜਿੱਥੇ ਉਸ ਨੂੰ ਸਿਵਲ ਹਸਪਤਾਲ ਰੈਫ਼ਰ ਕਰ ਦਿੱਤਾ। ਵਿਜੇ ਕੁਮਾਰ ਅਨੁਸਾਰ ਬੱਚੀ ਦੀ ਹਾਲਤ ਹੁਣ ਖਤਰੇ ਤੋਂ ਬਾਹਰ ਦੱਸੀ ਜਾ ਰਹੀ ਹੈ।-ਟਨਸ
ਸਬੰਧਿਤ ਖ਼ਬਰਾਂ
