ਪਾਇਲ: ਇਥੋਂ ਦੀ ਪੁਲੀਸ ਨੇ ਕਤਲ ਕੇਸ ’ਚ ਜ਼ਮਾਨਤ ’ਤੇ ਆਈ ਮੁਲਜ਼ਮ ਲੜਕੀ ਸਰਬਜੀਤ ਕੌਰ ਵਾਸੀ ਧਮੋਟ ਕਲਾਂ ਨੂੰ 20 ਗਰਾਮ ਨਸ਼ੀਲੇ ਪਾਊਡਰ ਤੇ 32,500 ਰੁਪਏ ਡਰੱਗ ਮਨੀ ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ। ਡੀਐੱਸਪੀ ਪਾਇਲ ਨਿਖਿਲ ਗਰਗ ਨੇ ਦੱਸਿਆ ਕਿ ਪੁਲੀਸ ਪਾਰਟੀ ਨੇ ਗਸ਼ਤ ਦੌਰਾਨ ਧਮੋਟ ਕਲਾਂ ਤੋਂ ਅਲੂਣਾ ਪੱਲਾ ਵੱਲ ਜਾਂਦੇ ਹੋਏ ਅੱਗਿਓਂ ਆਉਂਦੀ ਥਾਰ ਗੱਡੀ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾਂ ਤਾਂ ਲੜਕੀ ਨੇ ਗੱਡੀ ਭਜਾ ਦੇ ਲੰਘਾਉਣ ਦਾ ਕੋਸ਼ਿਸ਼ ਕੀਤੀ ਤਾਂ ਗੱਡੀ ਖੇਤ ’ਚ ਉੱਤਰ ਜਾਣ ਕਾਰਨ ਬੰਦ ਹੋ ਗਈ। ਜਦੋਂ ਗੱਡੀ ਦੀ ਤਲਾਸ਼ੀ ਕੀਤੀ ਤਾਂ ਉਸ ਵਿੱਚੋਂ 20 ਗਰਾਮ ਚਿੱਟਾ ਨਸ਼ੀਲਾ ਪਾਊਡਰ ਬਰਾਮਦ ਹੋਇਆ। ਤਫਤੀਸ਼ੀ ਥਾਣੇਦਾਰ ਸੋਹਣ ਸਿੰਘ ਨੇ ਦੱਸਿਆ ਕਿ ਉੱਕਤ ਲੜਕੀ ਦੀ ਪਛਾਣ ਸਰਬਜੀਤ ਕੌਰ ਵਾਸੀ ਧਮੋਟ ਕਲਾਂ ਵਜੋਂ ਹੋਈ ਹੈ ਜੋ ਇੱਕ ਕਤਲ ਕੇਸ ਚ ਜ਼ਮਾਨਤ ’ਤੇ ਆਈ ਹੋਈ ਹੈ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
