ਖੰਨਾ (ਨਿੱਜੀ ਪੱਤਰ ਪ੍ਰੇਰਕ): ਇਥੋਂ ਦੇ ਅਮਲੋਹ ਰੋਡ ’ਚ ਸਬਜ਼ੀ ਮੰਡੀ ਰੇਹੜੀ-ਫੜ੍ਹੀ ਯੂਨੀਅਨ ਵੱਲੋਂ ਵਿਧਾਇਕ ਤਰੁਨਪ੍ਰੀਤ ਸਿੰਘ ਸੌਂਦ ਨੂੰ ਸ਼ਾਮ ਲਾਲ ਦੀ ਪ੍ਰਧਾਨਗੀ ਹੇਠਾਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਰਿੰਕੂ, ਅਸ਼ੋਕ ਕੁਮਾਰ ਲਖਿਆ, ਸਤੀਸ਼ ਕੁਮਾਰ, ਗਗਨਦੀਪ ਸਿੰਘ ਨੇ ਸੌਂਦ ਨੂੰ ਰੇਹੜੀ ਫੜੀ ਯੂਨੀਅਨ ਨੂੰ ਆਉਂਦੀਆਂ ਸਮੱਸਿਆਵਾਂ ਸਬੰਧੀ ਜਾਣਕਾਰੀ ਦਿੰਦਿਆਂ ਮੰਗ ਪੱਤਰ ਸੌਂਪਿਆ। ਸੌਂਦ ਨੇ ਯੂਨੀਅਨ ਦੀਆਂ ਮੰਗਾਂ ਨੂੰ ਜਾਇਜ਼ ਦੱਸਦਿਆਂ ਜਲਦ ਤੋਂ ਜਲਦ ਹੱਲ ਕਰਵਾਉਣ ਦਾ ਭਰੋਸਾ ਦਿਵਾਇਆ। ਉਨ੍ਹਾਂ ਕਿਹਾ ਕਿ ਮੰਡੀ ਅੰਦਰ ਵਨ ਵੇਅ ਟਰੈਫਿਕ ਹੋਵੇਗਾ ਤਾਂ ਜੋ ਇਕ ਪਾਸੇ ਸਿਰਫ਼ ਐਂਟਰੀ ਹੋਵੇ ਤੇ ਦੂਜੇ ਪਾਸੇ ਨਿਕਾਸੀ।
ਸਬੰਧਿਤ ਖ਼ਬਰਾਂ
